സാങ്കേതികപ്രശ്നങ്ങൾ; യുഎഇ കമ്പനികൾ ബോയിങ് 737 മാക്സ് 9 വിമാനം ഉപയോഗിക്കുന്നില്ല

സാങ്കേതികപ്രശ്നങ്ങൾ കണ്ടെത്തിയ ബോയിങ് 737 മാക്സ് 9 വിഭാഗത്തിൽപെടുന്ന വിമാനങ്ങൾ യുഎഇയിലെ ഒരു എയർലൈൻ കമ്പനിയും ഉപയോഗിക്കുന്നില്ലെന്ന് ജനറൽ സിവിൽ ഏവിയേഷൻ അതോറിറ്റി അറിയിച്ചു.

അമേരിക്കൻ കമ്പനി ഉപയോഗിക്കുന്ന 737 വിമാനത്തിനു സാങ്കേതികതകരാർ കണ്ടെത്തിയ സാഹചര്യത്തിലാണ് ജനറൽ സിവിൽ ഏവിയേഷന്റെ വിശദീകരണം. പരിശോധന പൂർത്തിയാക്കും വരെ 737 വിമാനങ്ങൾ പറത്തില്ലെന്നു കഴിഞ്ഞ ദിവസം യുഎസ് ഫെഡറൽ ഏവിയേഷൻ അഡ്മിനിസ്ട്രേഷൻ തീരുമാനിച്ചിരുന്നു.