ലോസ് ഏഞ്ചൽസ്: തെക്കൻ കാലിഫോർണിയയിൽ ഭൂചലനം അനുഭവപ്പെട്ടു. റികടർ സ്‌കെയിലിൽ 5.1 തീവ്രത രേഖപ്പെടുത്തിയ ശക്തമായ ഭൂചലനം ഉണ്ടായതായി യുഎസ് ജിയോളജിസ്റ്റുകൾ അറിയിച്ചു.
യുഎസ് ജിയോളജിക്കൽ സർവേയുടെ കണക്കുകൾ പ്രകാരം ജൂലിയന് 2.5 മൈൽ (നാല് കിലോമീറ്റർ) തെക്കാണ് ഭൂചലനത്തിന്റെ പ്രഭവകേന്ദ്രം. എട്ട് മൈൽ ആഴത്തിലായിരുന്നു ഭൂചലനം ഉണ്ടായിരിക്കുന്നത്. ആദ്യ ഭൂചലത്തിന് ശേഷം ചെറിയ തുടർചലനങ്ങളും ഉണ്ടായി. നാശനഷ്ടങ്ങൾ സംബന്ധിച്ച റിപ്പോർട്ടുകൾ ലഭിച്ചിട്ടില്ല.
