ഒമാനിൽ ദേ​ശീ​യ സാം​ക്ര​മി​കേ​ത​ര രോ​ഗ സ​ർ​വേ​യു​ടെ ര​ണ്ടാം ഘ​ട്ട​ത്തി​ന് തു​ട​ക്കം

ഒ​മാ​നി​ലെ തെ​ര​ഞ്ഞെ​ടു​ത്ത വീ​ടു​ക​ളി​ൽ ന​ട​ത്തു​ന്ന ദേ​ശീ​യ സാം​ക്ര​മി​കേ​ത​ര രോ​ഗ (എ​ൻ.​സി.​ഡി) സ​ർ​വേ​യു​ടെ ര​ണ്ടാം ഘ​ട്ടം ആ​രം​ഭി​ച്ച​താ​യി ആ​രോ​ഗ്യ മ​ന്ത്രാ​ല​യം അ​റി​യി​ച്ചു. പ​ക​ർ​ച്ച​വ്യാ​ധി​ക​ള​ല്ലാ​ത്ത രോ​ഗ​ങ്ങ​ളെ ചെ​റു​ക്കു​ന്ന​തി​നു​ള്ള രാ​ജ്യ​ത്തി​ന്റെ ശ്ര​മ​ങ്ങ​ൾ​ക്ക് സ​ഹാ​യ​ക​മാ​കു​ന്ന സു​പ്ര​ധാ​ന ആ​രോ​ഗ്യ വി​വ​ര​ങ്ങ​ൾ ശേ​ഖ​രി​ക്കു​ക എ​ന്ന​താ​ണ് ഈ ​ദേ​ശീ​യ സം​രം​ഭ​ത്തി​ന്റെ ല​ക്ഷ്യം.

ര​ണ്ടാം ഘ​ട്ട​ത്തി​ൽ, തെ​ര​ഞ്ഞെ​ടു​ത്ത ഓ​രോ വീ​ട്ടി​ൽ​നി​ന്നും ഒ​രു വ്യ​ക്തി​യെ സ​മ​ഗ്ര​മാ​യ ആ​രോ​ഗ്യ വി​ല​യി​രു​ത്ത​ലി​ന് വി​ധേ​യ​മാ​ക്കും. പ​ങ്കെ​ടു​ക്കു​ന്ന​യാ​ൾ ഒ​രു ആ​രോ​ഗ്യ അ​ഭി​മു​ഖം, ഉ​യ​രം, ഭാ​രം, അ​ര​ക്കെ​ട്ടി​ന്റെ ചു​റ്റ​ള​വ്, ര​ക്ത​സ​മ്മ​ർ​ദ്ദം എ​ന്നി​വ​യു​ടെ വി​ല​യി​രു​ത്ത​ലു​ക​ൾ ഉ​ൾ​പ്പെ​ടു​ന്ന ശാ​രീ​രി​ക അ​ള​വു​ക​ൾ​ക്കും വി​ധേ​യ​നാ​കും.

ഭ​ക്ഷ​ണ​ത്തി​നു​മു​മ്പു​ള്ള ര​ക്ത​ത്തി​ലെ പ​ഞ്ച​സാ​ര പ​രി​ശോ​ധ​ന, കൊ​ള​സ്ട്രോ​ൾ ലെ​വ​ൽ പ​രി​ശോ​ധ​ന എ​ന്നി​വ​യു​ൾ​പ്പെ​ടെ കൂ​ടു​ത​ൽ ബ​യോ​കെ​മി​ക്ക​ൽ പ​രി​ശോ​ധ​ന​ക​ൾ ന​ട​ത്തു​ന്ന​തി​നാ​യി ഒ​രു തു​ട​ർ ഗൃ​ഹ​സ​ന്ദ​ർ​ശ​നം ഷെ​ഡ്യൂ​ൾ ചെ​യ്യും. കൂ​ടാ​തെ, വി​ശ​ക​ല​ന​ത്തി​നാ​യി മൂ​ത്ര സാ​മ്പി​ൾ ന​ൽ​കാ​നും പ​ങ്കെ​ടു​ക്കു​ന്ന​യാ​ളോ​ട് ആ​വ​ശ്യ​പ്പെ​ടും.