ഒ. ടി.ടിയിൽ സ്ട്രീമിംഗ് ആരംഭിച്ച് മച്ചാന്‍റെ മാലാഖ; കാണാം മനോരമ മാക്സിൽ

സൗബിൻ ഷാഹിർ, ധ്യാൻ ശ്രീനിവാസൻ, ദിലീഷ് പോത്തൻ, നമിത പ്രമോദ് എന്നിവരെ പ്രധാന കഥാപാത്രങ്ങളായി എത്തിയ ചിത്രമാണ് ‘മച്ചാന്‍റെ മാലാഖ. ബോബൻ സാമുവൽ സംവിധാനം നിർവ്വഹിച്ച ചിത്രം ഫെബ്രുവരി 27ന് തിയറ്റർ റിലീസായി എത്തിയിരുന്നു. ഇപ്പോഴിതാ ചിത്രം ഒ.ടി.ടിയിൽ എത്തിയിരിക്കുകയാണ്. ചിത്രം മനോരമ മാക്സിലാണ് സ്ട്രീമിംഗ് ആരംഭിച്ചിരിക്കുന്നത്.

അതേസമയം ചിത്രം തീർത്തുമൊരു ഫൺ ഫിൽഡ് ഫാമിലി എന്‍റർടെയിനർ ആണ്. സാമൂഹികപ്രസക്തിയുള്ള ഫാമിലി എന്‍റർടെയിനറായ ചിത്രം നിരവധി വൈകാരികമുഹൂർത്തങ്ങളെ നർമത്തിൽ ചാലിച്ചാണ് ഒരുക്കിയിരിക്കുന്നത്. മഞ്ഞുമ്മൽ ബോയ്സ്, പ്രാവിൻകൂട് ഷാപ്പ് എന്നീ ചിത്രങ്ങൾക്ക് ശേഷം സൗബിൻ നായകനാവുന്ന ചിത്രമാണ് ‘മച്ചാന്‍റെ മാലാഖ.

അബാം മൂവീസിന്‍റെ ബാനറിൽ ഷീലു എബ്രഹാം അവതരിപ്പിച്ച് എബ്രഹാം മാത്യുവാണ് ചിത്രത്തിൻ്റെ നിർമ്മാണം നിർവ്വഹിച്ചത്. ചിത്രത്തിൽ മനോജ് കെ.യു, വിനീത് തട്ടിൽ, ശാന്തി കൃഷ്ണ, ലാൽ ജോസ്, രാജേഷ് പറവൂർ, ആൽഫി പഞ്ഞിക്കാരൻ, ആര്യ, ശ്രുതി ജയൻ, ബേബി ആവണി, ബേബി ശ്രേയ ഷൈൻ, അഞ്ജന അപ്പുകുട്ടൻ, നിത പ്രോമി, സിനി വർഗീസ് തുടങ്ങിയവരും അഭിനയിച്ചിരുന്നു.