ഇരുചക്ര വാഹന വിപണിയിൽ വീണ്ടും ആധിപത്യം ഉറപ്പിച്ച് ഹീറോ മോട്ടോകോർപ്പ്!

ഇന്ത്യയിലെ ഇരുചക്ര വാഹന വിപണിയിൽ വീണ്ടും ആധിപത്യം ഉറപ്പിച്ച് ഹീറോ മോട്ടോകോർപ്പ്. കഴിഞ്ഞ ഒരു വർഷത്തിനുള്ളിൽ കമ്പനി 59 ലക്ഷത്തിലധികം ബൈക്കുകളും സ്‍കൂട്ടറുകളും വിറ്റഴിച്ചതായാണ് റിപ്പോർട്ട്. ഇതോടെ രാജ്യത്തെ ഒന്നാം നമ്പർ ഇരുചക്ര വാഹന നിർമ്മാതാക്കളായി ഹീറോ മാറി. അതേസമയം, 2025 മാർച്ചിലെ വിൽപ്പന റിപ്പോർട്ട് അനുസരിച്ച്, ഹീറോ 5.5 ലക്ഷം യൂണിറ്റുകളുടെ വിൽപ്പന രജിസ്റ്റർ ചെയ്തു.

2025 മാർച്ചിൽ കമ്പനി ആഭ്യന്തര വിപണിയിൽ ആകെ 5,19,342 യൂണിറ്റുകൾ വിറ്റു. കയറ്റുമതിയെക്കുറിച്ച് പറയുമ്പോൾ, ഈ കണക്ക് 31500 യൂണിറ്റിലെത്തി. ഈ രീതിയിൽ, കമ്പനി ആഭ്യന്തര, അന്തർദേശീയ വിപണികളിലായി ആകെ 5,50,842 യൂണിറ്റുകൾ വിറ്റു. ഹീറോയുടെ ഏറ്റവും കൂടുതൽ വിറ്റഴിക്കപ്പെട്ട ബൈക്ക് ഹീറോ സ്പ്ലെൻഡർ ആയിരുന്നു. ഇതിനുപുറമെ, ഹീറോ എച്ച്എഫ് ഡീലക്സ്, ഹീറോ പാഷൻ പ്രോ, ഹീറോ എക്സ്ട്രീം തുടങ്ങിയ ബൈക്കുകളും മികച്ച വിൽപ്പന നേടി.

ഹീറോ മോട്ടോകോർപ്പ് ഇപ്പോൾ ഇലക്ട്രിക് ഇരുചക്ര വാഹന വിഭാഗത്തിലും അതിവേഗം മുന്നേറുകയാണ്. കമ്പനി അടുത്തിടെ തങ്ങളുടെ ആദ്യത്തെ ഹീറോ വിഡ V1 ഇലക്ട്രിക് സ്‍കൂട്ടർ പുറത്തിറക്കി. വരും കാലങ്ങളിൽ നിരവധി പുതിയ ഇലക്ട്രിക് ഇരുചക്ര വാഹനങ്ങൾ പുറത്തിറക്കാൻ കമ്പനി പദ്ധതിയിടുന്നതായാണ് വിവരം. ഇതിനുപുറമെ, പുതിയ സാങ്കേതികവിദ്യയും സവിശേഷതകളും ഉൾക്കൊള്ളുന്ന ബൈക്കുകൾ വിപണിയിൽ അവതരിപ്പിക്കാനുള്ള ഒരുക്കങ്ങളും പുരോഗമിക്കുന്നുണ്ട്.