സവാള അറിയുമ്പോൾ കണ്ണുനീർ വരാറുണ്ടോ? ഇതാ ചില പൊടിക്കൈകൾ…

മിക്ക കറികളിലും ഉപയോഗിക്കുന്ന ഒന്നാണ് സവാള. എന്നാൽ ഇതൊന്ന് അരിഞ്ഞെടുക്കുന്നതോ? അതൊരു വലിയ പണി തന്നെയാണ്. കണ്ണെരിച്ചിലാണ് അതിന്റെ പ്രധാന കാരണം. കണ്ണെരിഞ്ഞു കണ്ണുനീരും വന്ന് ഒരു ദിവസം പോകാൻ അത് മതി. ഹെൽമെറ്റ് ഉപയോഗിച്ചു കൊണ്ട് സവാള അറിയുന്ന തമാശ വിഡിയോകൾ നമ്മൾ സമൂഹ മാധ്യമങ്ങളിൽ കണ്ടിട്ടുണ്ട്. അതിൽ നിന്ന് തന്നെ മനസിലാക്കാം ഇതൊരു വലിയ പ്രശ്നമാണെന്ന്. സവാള എത്ര കഴുകിയിട്ട് അരിഞ്ഞാലും കണ്ണ് നിറയുന്നത് സ്വാഭാവികമാണ്. ഈ പ്രശ്നത്തിന് ചില പരിഹാരങ്ങൾ ഉണ്ട്. നമുക്ക് അതൊന്ന് നോക്കാം.

സവാള അരിയുന്നതിന് മുൻപ് 10 മുതൽ 20 മിനിട്ട് വരെ ഫ്രിഡ്ജിൽ അത് തണുപ്പിക്കാൻ വയ്ക്കുക. ഇത് സവാളയിലെ കണ്ണിന് എരിച്ചിലുണ്ടാക്കുന്ന എൻസെെമിനെ പ്രവർത്തന രഹിതമാകുന്നു. എന്നിട്ട് സവാള അരിയുമ്പോൾ കണ്ണ് എരിയില്ല.

തൊലി കളഞ്ഞെടുത്ത സവാള രണ്ടായി മുറിച്ച് തണുത്ത വെള്ളത്തിൽ ഇടുക. ശേഷം ഒരു 10 മിനിട്ട് കഴിഞ്ഞ് എടുത്ത് അരിയാം. ഇത് കണ്ണിൽ നിന്ന് വെള്ളം വരുന്നത് തടയുന്നു.

അൽപം വെള്ളത്തിൽ വിനാഗിരി കലർത്തി കുറച്ച് ഉപ്പ് ചേർക്കുക. ശേഷം അതിലേക്ക് തൊലി കളഞ്ഞ സവാള ഇടാം. 10 മിനിട്ട് കഴിഞ്ഞ് അരിഞ്ഞാൽ കണ്ണ് എരിയില്ല.

കട്ടിംഗ് ബോർഡിൽ വച്ച് സവാള അരിയുന്നവർ അതിൽ അൽപം വിനാഗിരി പുരട്ടിയതിന് ശേഷം ഉപയോഗിക്കാം.

സവാള അരിയുമ്പോൾ വേരടങ്ങിയ ഭാഗം മുറിച്ചുമാറ്റിയാൽ കണ്ണ് പുകച്ചിലിൽ നിന്നും രക്ഷപ്പെടാം.