അയോദ്ധ്യ പ്രാണപ്രതിഷ്ഠാ ദിനത്തിൽ ഉത്തർപ്രദേശിലെ എല്ലാ ഇറച്ചി കടകളും അടച്ചിടുമെന്ന് മുസ്ലീം സംഘടനകൾ

അയോദ്ധ്യ രാമക്ഷേത്രത്തിലെ പ്രാണപ്രതിഷ്ഠാ ചടങ്ങിനോടനുബന്ധിച്ച് ജനുവരി 22-ന് ലക്നൗവിലെ എല്ലാ ഇറച്ചി കടകളും അടച്ചിടുമെന്ന് മുസ്ലീം സംഘടനകൾ. രാമ വി​ഗ്രഹം പ്രതിഷ്ഠിക്കുന്ന പുണ്യ മുഹൂർത്തത്തിൽ ഇറച്ചി കടകളെല്ലാം പൂർണമായും അടച്ചിടുമെന്നാണ് പ്രമുഖ മുസ്ലീം സംഘടനയായ അഖിലേന്ത്യാ ജംഇയ്യത്തുൽ ഖുറേഷ് അറിയിച്ചിരിക്കുന്നത്.

അഖിലേന്ത്യാ ദേശീയ സെക്രട്ടറി ജംഇയ്യത്തുൽ ഖുറേഷ് , ഷഹാബുദ്ദീൻ ഖുറേഷ് ഐ, വൈസ് പ്രസിഡന്റ് അഷ്ഫാഖ് ഖുഷ് ഐ എന്നിവർ ഉത്തർപ്രദേശ് ഉപമുഖ്യമന്ത്രി ബ്രജേഷ് പഥക്കിന് ഇത് സംബന്ധിച്ച് മെമ്മോറാണ്ടം സമർപ്പിച്ചു. ലഖ്‌നൗവിലെ ബിലോച്പുര, സദർ കാന്റ്, ഫത്തേഗഞ്ച്, ലാത്തൂച്ചെ റോഡ് പ്രദേശങ്ങളിലെ എല്ലാ ഇറച്ചിക്കടകളും അടച്ചിടാൻ പാസ്മണ്ട മുസ്ലീം സമുദായം തീരുമാനിച്ചതായി അവർ ഉപമുഖ്യമന്ത്രിയെ അറിയിച്ചു.