ടിപ്പര്‍ ലോറിയിടിച്ച് ഓട്ടോഡ്രൈവര്‍ മരിച്ചു

തിരുവനന്തപുരം: ടിപ്പര്‍ ലോറിയിടിച്ച് ഓട്ടോ ഡ്രൈവര്‍ക്ക് ദാരുണാന്ത്യം. പുതുവല്‍ പുത്തന്‍ വീട്ടിൽ ഐവിന്‍ വിക്ടര്‍(46) ആണ് മരിച്ചത്.അപകടത്തിനിടയാക്കിയ ടിപ്പര്‍ വലിയതുറ പോലീസ് കസ്റ്റഡിയിലെടുത്തു.

വെളളിയാഴ്ച വൈകിട്ട് ഏഴോടെ മുട്ടത്തറയില്‍ നിന്ന് ഗവ. എന്‍ജിനീയറിങ്ങ് കോളേജിലേക്ക് പോകുന്ന പെരുന്നെല്ലി പാലത്തിലായിരുന്നു അപകടം ഉണ്ടായത്. ഓട്ടം കഴിഞ്ഞശേഷം വേളാങ്ങണ്ണി ജങ്ഷനിലുളള വീട്ടിലേക്ക് പോകവെ എന്‍ജിനീറങ് കോളേജ് ജങ്ഷന്‍ ഭാഗത്ത് നിന്ന് മുട്ടത്തറയിലേക്ക് വരുകയായിരുന്ന ടിപ്പര്‍ ഓട്ടോറിക്ഷയില്‍ ഇടിക്കുകയായിരുന്നു. അപകടത്തിൽ ഓട്ടോറിക്ഷയുടെ മുന്‍ഭാഗം പൂര്‍ണമായും തകര്‍ന്നു.

ഇടിയുടെ ആഘാതത്തില്‍ ഓട്ടോയില്‍ നിന്ന് റോഡിലേക്ക് തെറിച്ചുവീണ ഐവിന്റെ തലയിലൂടെ ടിപ്പറിന്റെ മുന്‍ചക്രം കയറിയിറങ്ങി. ഐവിന്‍ സംഭവസ്ഥലത്തുവെച്ചുതന്നെ മരിച്ചു.സംഭവത്തില്‍ വലിയതുറ പോലീസ് കേസെടുത്തു.