എന്താ പവർ; അജിത്തിന്റെ ‘ഗുഡ് ബാഡ് അഗ്ലി’ ട്രെയിലര്‍ എത്തി

അജിത്ത് കുമാറിനെ നായകനാക്കി അധിക് രവിചന്ദ്രന്‍ സംവിധാനം ചെയ്യുന്ന ചിത്രമാണ് ‘ഗുഡ് ബാഡ് അഗ്ലി’. ചിത്രത്തിന്റെ ട്രെയിലര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. ഏപ്രില്‍ 10 നാണ് ചിത്രത്തിന്റെ റിലീസ്. തൃഷയാണ് ചിത്രത്തില്‍ നായികയായി എത്തുന്നത്. തൃഷയ്ക്ക് പുറമെ തെന്നിന്ത്യന്‍ നായിക സിമ്രാനും പ്രധാന വേഷത്തില്‍ ചിത്രത്തിലുണ്ട്. സുനില്‍, പ്രസന്ന, പ്രിയാ വാര്യര്‍, ഷൈന്‍ ടോം ചാക്കോ എന്നിവരാണ് ചിത്രത്തിലെ മറ്റു അഭിനേതാക്കള്‍.

മൈത്രി മൂവി മേക്കേഴ്സ് ആണ് ഗുഡ് ബാഡ് അഗ്ലി നിര്‍മ്മിക്കുന്നത് എന്നതും ആരാധകരുടെ പ്രതീക്ഷ കൂട്ടുന്നുണ്ട്. മാര്‍ക്ക് ആന്റണിയുടെ വിജയത്തിന് ശേഷം അധിക് രവിചന്ദ്രന്റെ സംവിധാനത്തില്‍ എത്തുന്ന ചിത്രമെന്ന നിലയിലും ഈ ചിത്രത്തിന് ഹൈപ്പ് ഉണ്ട്. ഛായാഗ്രഹണം അഭിനന്ദന്‍ രാമാനുജമാണ്. വിജയ് വേലുക്കുട്ടിയാണ് എഡിറ്റര്‍. അജിത്ത് കുമാറിന്റെ കരിയറിലെ 63-ാം ചിത്രമാണ് ഗുഡ് ബാഡ് അഗ്ലി.