സൽമാൻ ഖാന്റെ ‘സിക്കന്ദർ’സിനിമയുടെ വ്യാജപതിപ്പ് ഓൺലൈനിൽ

സൽമാൻ ഖാനെ നായകനാക്കി എ.ആർ മുരു​ഗദോസ് സംവിധാനം ചെയ്യുന്ന സിനിമയാണ് സിക്കന്ദർ. വൻ ബജറ്റിലൊരുങ്ങിയ സിനിമയുടെ വ്യാജപതിപ്പ് ഓൺലൈനിൽ പ്രചരിക്കുകയാണ്. തിയേറ്ററുകളിൽ എത്തുന്നതിന് മുൻപാണ് ചിത്രത്തിന്റെ വ്യാജപതിപ്പ് ഓൺലൈനിലൂടെ പ്രചരിച്ചത്. ഞായറാഴ്ചയാണ് സിക്കന്ദർ തിയേറ്ററുകളിലെത്തിയത്.

എന്നാൽ ശനിയാഴ്ച അർധരാത്രിമുതലേ ചിത്രത്തിന്റെ വ്യാജ പതിപ്പ് വിവിധ ഓൺലൈൻ സൈറ്റുകളിലെത്തി എന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. വിവിധ ട്രേഡ് അനലിസ്റ്റുകളും ഇക്കാര്യം സ്ഥിരീകരിച്ചിട്ടുണ്ട്. ഇതുപോലൊരു ദുഃസ്വപ്നം ഇനി ഒരു നിർമാതാവിനും ഉണ്ടാവില്ലെന്നാണ് ട്രേഡ് അനലിസ്റ്റ് കോമൾ നാഹ്ത എക്സിൽ പോസ്റ്റ് ചെയ്തത്. 600 സൈറ്റുകളിലൂടെയാണ് കഴിഞ്ഞദിവസം രാത്രിയിൽ ചിത്രം പ്രചരിച്ചതെന്നും അപലപനീയമായ കാര്യമാണിതെന്നും അദ്ദേഹം ചൂണ്ടിക്കാട്ടി.