ഐബി ഉദ്യോഗസ്ഥ മേഘയുടെ മരണം ; സുഹൃത്ത് ഒളിവിൽ

തിരുവനന്തപുരം: വിമാനത്താവളത്തിലെ എമിഗ്രേഷൻ ഇന്റലിജൻസ് ബ്യൂറോ ഉദ്യോഗസ്ഥയായ മേഘയുടെ (24) മരണത്തിൽ വഴിത്തിരിവ്.മേഘയുടെ സുഹൃത്തായ ഐബി ഉദ്യോഗസ്ഥൻ സുകാന്ത് സുരേഷിലേക്ക് അന്വേഷണം നീങ്ങുന്നത്.

മേഘയുടെ വീട്ടുകാർ നൽകിയ മൊഴിയുടെ അടിസ്ഥാനത്തിൽ സുകാന്തിനെ ചോദ്യംചെയ്യാൻ അന്വേഷണസംഘം മലപ്പുറത്തെ വീട്ടിലെത്തിയെങ്കിലും കണ്ടെത്താനായില്ല. സുകാന്തിന്റെ ഫോൺ സ്വിച്ച്ഓഫ് ചെയ്ത നിലയിലാണ്.

മേഘയുടെ ബാങ്ക് അക്കൗണ്ടുകളും ടെലിഫോൺ കോളുകളും പോലീസ് പരിശോധിക്കുന്നു. മരണത്തിന് തൊട്ടുമുമ്പത്തെ ദൈർഘ്യമേറിയ കോൾ സുകാന്തിന്റേതാണെന്ന് പോലീസ്.