മേയറുടെ മോചനം ; ഇസ്താംബൂളിൽ വൻ റാലി

March 30, 2025

ഇസ്താംബൂൾ: തുർക്കി സർക്കാർ അറസ്റ്റ് ചെയ്ത് ജയിലിലടച്ച ഇസ്താംബൂൾ മേയർ ഇക്രം ഇമാമൊഗ്ലുവിനെ മോചിപ്പിക്കണമെന്നാവശ്യപ്പെട്ട് വലിയ പ്രകടനം നടന്നു. ഇസ്താംബൂളിൽ നടന്ന റാലിയിൽ പതിനായിരങ്ങളാണു പങ്കെടുത്തത്.

ഇമാമൊഗ്ലുവിന്‍റെ സിഎച്ച്പി പാർട്ടിയും മറ്റു പ്രതിപക്ഷ കക്ഷികളുമാണു റാലി സംഘടിപ്പിച്ചത്. ഒന്നരയാഴ്ച മുന്പ് ഇമാമൊഗ്ലുവിനെ അറസ്റ്റ് ചെയ്തതു മുതൽ തുർക്കിയിലുടനീളം സർക്കാർവിരുദ്ധ പ്രകടനങ്ങൾ നടക്കുന്നുണ്ട്.