കുവൈത്തിൽ ഒൻപതു വയസ്സുകാരനെ പീഡിപ്പിച്ച കേസ്: പ്രതി അറസ്റ്റിൽ

കുവൈത്തിൽ ഒൻപതു വയസ്സുകാരനായ സിറിയൻ ബാലനെ തട്ടിക്കൊണ്ടുപോയി ലൈംഗികവും ശാരീരികവുമായി പീഡിപ്പിച്ച കേസിൽ പ്രതിയെ പിടികൂടി. ലഹരിമരുന്നിന് അടിമയായ കുവൈത്ത് പൗരനെയാണ് പൊലീസ് 24 മണിക്കൂറിനകം അറസ്റ്റ് ചെയ്‌തത്‌. മൈദാൻ ഹവല്ലി പ്രദേശത്താണ് ഈദ് ദിനത്തിൽ അതിക്രൂരമായ സംഭവം അരങ്ങേറിയത്.

കാപിറ്റൽ ഗവർണറേറ്റിലെ ഒരു തെരുവിൽ ശാരീരികമായി ഉപദ്രവിക്കപ്പെട്ട നിലയിൽ കുട്ടിയെ നാട്ടുകാർ കണ്ടെത്തുകയായിരുന്നു. പൊലീസിൽ വിവരമറിയിച്ചതിനെ തുടർന്ന് നടത്തിയ അന്വേഷണത്തിലാണ് അതിക്രൂരമായ ലൈംഗിക പീഡന വിവരം പുറത്തുവന്നത്.