വമ്പന്‍ താരങ്ങളെ കൈവിട്ടു;രാജസ്ഥാൻ റോയൽസിനെതിരെ വിമർശനവുമായി വസീം ജാഫർ

ഇന്ത്യൻ പ്രീമിയർ ലീഗിൽ രാജസ്ഥാന്‍ റോയൽസിനെതിരെ വിമർശനവുമായി വസീം ജാഫർ. കഴിഞ്ഞ മത്സരത്തിൽ കെകെആറിനോടും തോറ്റതോടെ തുടര്‍ച്ചയായ രണ്ടാം മത്സരത്തിലാണ് രാജസ്ഥാൻ റോയൽസ് തോൽവി വഴങ്ങിയത്. കഴിഞ്ഞ മത്സരത്തിലെ തോൽവിക്ക് ശേഷമാണ് ടീമിനെ വിമർശിച്ച് മുൻ ഇന്ത്യൻ ഓപണർ കൂടിയായിരുന്ന വസീം ജാഫര്‍ രംഗത്തെത്തിയത്.

‘ഐപിഎൽ ലേലത്തിന് മുമ്പ് ബട്‌ലറെയും ബോള്‍ട്ടിനെയും ചാഹലിനെയും അശ്വിനെയും പോലെയുള്ള വമ്പന്‍ താരങ്ങളെ കൈവിട്ടു. എന്നാല്‍ അവര്‍ക്ക് പറ്റിയ പകരക്കാരെ കണ്ടെത്താനുമായില്ല. അതുകൊണ്ട് ഈ സീസൺ രാജസ്ഥാന്‍ റോയല്‍സിനെ സംബന്ധിച്ചിടത്തോളം വലിയ വെല്ലുവിളി ആയിരിക്കും’, വസീം ജാഫര്‍ എക്സ് പോസ്റ്റില്‍ കുറിച്ചു.

അതേസമയം കഴിഞ്ഞ സീസണില്‍ 14 മത്സരങ്ങളില്‍ എട്ട് ജയവുമായി മൂന്നാം സ്ഥാനത്താണ് രാജസ്ഥാന്‍ ഫിനിഷ് ചെയ്തത്. ഇത്തവണ സീസണിലെ ആദ്യ രണ്ട് കളികളും തോറ്റതോടെ നിലവില്‍ പോയന്‍റ് പട്ടികയില്‍ അവസാന സ്ഥാനത്താണ് രാജസ്ഥാന്‍. ക്യാപ്റ്റന്‍ സഞ്ജു സാംസണ് പരിക്കേറ്റതോടെ ആദ്യ മൂന്ന് കളികളില്‍ റിയാന്‍ പരാഗ് ആണ് രാജസ്ഥാനെ നയിക്കുന്നത്.