ഐ. പി. എൽ: ചെന്നൈയ്ക്ക് തിരിച്ചടി; സ്റ്റാർ പേസർ കളിക്കില്ല

ഇന്ത്യൻ പ്രീമിയർ ലീഗിൽ ഇന്ന് റോയൽ ചലഞ്ചേഴ്സ് ബെം​ഗളൂരു ചെന്നൈ സൂപ്പർ കിങ്സിനെ നേരിടും. ചെന്നൈയുടെ ഹോം ​ഗ്രൗണ്ടായ ചെപ്പോക്കിലെ ചിദംബരം സ്റ്റേഡിയത്തിലാണ് മത്സരം നടക്കുന്നത്. ആദ്യ മത്സരം വിജയിച്ചാണ് ഇരുടീമുകളും പോരാട്ടത്തിന് എത്തുന്നത്.

ഇപ്പോഴിതാ ചെന്നൈ സൂപ്പർ കിങ്സിന് തിരിച്ചടിയായി മത്സരത്തിൽ സ്റ്റാർ പേസർ മതീഷ പതിരന കളിക്കില്ല എന്ന റിപ്പോർട്ടുകളാണ് വരുന്നത്. പരിക്കുമൂലം താരം കളിക്കില്ലെന്ന് മുഖ്യ പരിശീലകൻ സ്റ്റീഫൻ ഫ്ലെമിംഗ് സ്ഥിരീകരിച്ചു. മുംബൈ ഇന്ത്യൻസിനെതിരായ സീസണിലെ ചെന്നൈയുടെ ആദ്യ മത്സരത്തിലും പതിരന കളിച്ചിരുന്നില്ല. പതിരനയുടെ അഭാവത്തിൽ മുംബൈയ്‌ക്കെതിരെ ആദ്യ മത്സരത്തിൽ നഥാൻ എല്ലിസിനെയാണ് ചെന്നൈ കളത്തിലിറക്കിയത്.