സുഹൃത്തുക്ക​ൾക്കൊപ്പം കുളിക്കാനി; പാലക്കാട് 20 കാരനും തിരുവല്ലയിൽ 17 കാരനും മുങ്ങി മരിച്ചു

പാലക്കാട്: പാലക്കാടും തിരുവല്ലയിലും കുളിക്കാനിറങ്ങിയ രണ്ട് പേർ മുങ്ങിമരിച്ചു. തിരുവല്ലയിൽ കൂട്ടുകാർക്കൊപ്പം മണിമലയാറ്റിൽ കുളിക്കാൻ ഇറങ്ങിയ പ്ലസ് ടു വിദ്യാർത്ഥിയാണ് മരിച്ചത്. തിരുവല്ല നിരണം കന്യാത്രയിൽ വീട്ടിൽ 17 കാരനായ അനന്ദു ആണ് മരിച്ചത്. പുളിക്കീഴ് ഷുഗർ ഫാക്ടറിക്ക് സമീപം ഇന്നുച്ചയ്ക്ക് 12 മണിയോടെ ആയിരുന്നു സംഭവം. പാലക്കാട് അട്ടപ്പാടി ഭവാനി പുഴയിൽ സുഹൃത്തുക്കൾക്കൊപ്പം വിനോദയാത്രയ്ക്കെത്തിയ യുവാവാണ് മുങ്ങി മരിച്ചത്. തമിഴ്നാട് സ്വദേശി 20 കാരനായ രമണൻ ആണ് മരിച്ചത്. നരസിമുക്കിൽ പുഴയിൽ കുളിക്കാനിറങ്ങിയാണ് അപകടം സംഭവിച്ചത്. മൃതദേഹങ്ങൾ ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.