നിരവധി പുതിയ ഫീച്ചറുകള്‍;ഭീം 3.0 യുപിഐ ആപ്പ് പുറത്തിറക്കി

ഡൽഹി: നാഷണൽ പേയ്‌മെന്‍റ്സ് കോർപ്പറേഷൻ ഓഫ് ഇന്ത്യ ഭീം 3.0 ആപ്പ് പുറത്തിറക്കി. നിങ്ങൾ ഭീം ഉപയോഗിക്കുന്ന ആളാണെങ്കിൽ ഇനി മുതല്‍ നിരവധി പുതിയ ഫീച്ചറുകള്‍ ലഭിക്കും. ഇതിൽ, ഉപയോക്താക്കൾക്കും വ്യാപാരികൾക്കും വേണ്ടിയുള്ള പുതിയ ഫീച്ചറുകള്‍ അവതരിപ്പിച്ചിട്ടുണ്ട്. പുതിയ അപ്‌ഗ്രേഡിന് ശേഷം ആപ്പില്‍ എന്തൊക്കെ അധിക സൗകര്യങ്ങള്‍ ലഭ്യമാകുമെന്ന് നോക്കാം.

അപ്ഗ്രേഡ് ചെയ്ത ഭീം ആപ്പിൽ പുതിയ ഭാഷകൾ ചേർത്തിട്ടുണ്ട്. ഇപ്പോൾ ഭീം ആപ്പ് 15ൽ അധികം ഇന്ത്യൻ ഭാഷകളെ പിന്തുണയ്ക്കുന്നു. ഇതിനുപുറമെ, ഇപ്പോൾ കുറഞ്ഞ വേഗതയുള്ള ഇന്‍റർനെറ്റിനും ആപ്പ് ഒപ്റ്റിമൈസ് ചെയ്തിട്ടുണ്ട്. ഈ സവിശേഷത ദുർബലമായ നെറ്റ്‌വർക്കുകളിൽ പോലും ഭീം ആപ്പിലൂടെ യുപിഐ ഇടപാടുകള്‍ നടത്തുന്നത് എളുപ്പമാക്കും.

അതേസമയം പുതിയ അപ്‌ഡേറ്റിന് ശേഷം, ഉപയോക്താക്കൾക്ക് അവരുടെ ചെലവുകൾ ട്രാക്ക് ചെയ്യുന്നതിനും വിഭജിക്കുന്നതിനുമുള്ള (split) പുതിയ ഫീച്ചറുകൾ നൽകിയിട്ടുണ്ട്. ഇതിനുപുറമെ, ഫാമിലി മോഡ്, സ്‌പെൻഡ് അനലിറ്റിക്‌സ്, ബിൽറ്റ്-ഇൻ ടാസ്‌ക് അസിസ്റ്റന്‍റ് എന്നിവ പുതിയ അപ്‌ഡേറ്റിൽ നൽകിയിട്ടുണ്ട്. ഇത് ഉപയോക്തൃ ബില്ലുകളെക്കുറിച്ചും കുറഞ്ഞ ബാലൻസിനെക്കുറിച്ചും വിവരങ്ങൾ ലഭ്യമാക്കും.