കുഞ്ഞ് ജനിച്ചതിന്റെ ആഘോഷം: ലഹരി പാർട്ടി നടത്തിയ നാല് പേർ എക്സൈസ് പിടിയിൽ

തിരുവനന്തപുരം: കുഞ്ഞ് ജനിച്ചതിന്റെ ആഘോഷത്തിൽ ലഹരി പാർട്ടി നടത്തിയ നാല് പേരെ എക്സൈസ് പിടിയിലായി. കൊല്ലം പത്തനാപുരത്താണ് തിരുവനന്തപുരം സ്വദേശികളായ നാല് പേർ എക്സൈസിന്റെ പിടിയിലായത്. തിരുവനന്തപുരം കഠിനംകുളം സ്വദേശി വിപിൻ, മണക്കാട് സ്വദേശി വിവേക്, പേയാട് സ്വദേശി കിരൺ, കണ്ണമ്മൂല സ്വദേശി ടെർബിൻ എന്നിവരാണ് പിടിയിലായത്.

ഇവരിൽ നിന്ന് 460 മില്ലിഗ്രാം എംഡിഎംഎ, 22 ഗ്രാം കഞ്ചാവ്, 10 സിറിഞ്ചുകൾ, ഡിജിറ്റൽ ത്രാസ് ‌എന്നിവയും കണ്ടെടുത്തു. പിടിയിലായ പേയാട് സ്വദേശി കിരണിന് കുഞ്ഞ് ജനിച്ചതിന്റെ ആഘോഷത്തിനാണ് ലഹരി പാർട്ടിയാണ് നടത്തിയത്.