ഹരിയാനയില്‍ മൂന്നാമത്തെ പ്ലാന്റ് സജ്ജമാക്കാനൊരുങ്ങി മാരുതി സുസുക്കി

രണ്ടാമത്തെ പ്ലാന്റിന്റെ നിര്‍മാണം പുരോഗമിക്കുകയാണ്. ഇതിനും രണ്ടരലക്ഷം കാറുകളുടെ നിര്‍മാണശേഷിയുണ്ട്. മൂന്നാമത്തെ പ്ലാന്റുകൂടി വരുന്നതോടെ ഖര്‍ഖോഡയില്‍ കമ്പനിയുടെ മൊത്തം ഉത്പാദനശേഷി വര്‍ഷം 7.5 ലക്ഷത്തിലെത്തും. 2029-ഓടെ മൂന്നു ഫാക്ടറികളുടെയും നിര്‍മാണം പൂര്‍ത്തിയാക്കാനാണ് കമ്പനിലക്ഷ്യമിടുന്നത്. മൂന്നാമത്തെ ഫാക്ടറിക്കായി 7,410 കോടിരൂപയാണ് കമ്പനി നിക്ഷേപിക്കുക.

2024-ല്‍ മാരുതി സുസുക്കി ഇന്ത്യയില്‍ ഒരു കലണ്ടര്‍വര്‍ഷത്തില്‍ 20 ലക്ഷം വാഹനങ്ങളുടെ ഉത്പാദനമെന്ന നാഴികക്കല്ല് പിന്നിട്ടിരുന്നു. ഇതില്‍ 60 ശതമാനവും ഹരിയാണയില്‍നിന്നാണ് ഉത്പാദിപ്പിച്ചതെന്ന പ്രത്യേകതയുമുണ്ട്. ഇതിനുപുറമേ പത്തുലക്ഷം കാറുകള്‍ വര്‍ഷം നിര്‍മിക്കാന്‍ കഴിയുന്ന പുതിയപ്ലാന്റിനും കമ്പനി പദ്ധതിയിടുന്നുണ്ട്.