വിവാഹവാഗ്ദാനം നൽകി പണം തട്ടിയ കേസിൽ കൂട്ടുപ്രതി അറസ്റ്റിൽ

കൊച്ചി: വിവാഹമോചിതയായ യുവതിയിൽ നിന്ന് വിവാഹവാഗ്ദാനം നൽകി ലക്ഷ്യങ്ങൾ തട്ടിയ കേസിൽ കൂട്ടുപ്രതി അറസ്റ്റിൽ. 19 ലക്ഷം രൂപയാണ് കേസിലെ മുഖ്യപ്രതിയുടെ ഭാര്യയും കൂട്ടുപ്രതിയെയുമാണ് പൊലീസ് പിടികൂടിയത്. വിദേശത്തുള്ള പ്രതിയെ നാട്ടിലെത്തിക്കാനുള്ള നടപടി തുടങ്ങി.

തൃശൂർ പൂമംഗലം പാളയംകോട് വീട്ടിൽ പി.എസ്. നിതയെയാണ് (24) കളമശേരി പൊലീസ് അറസ്റ്റുചെയ്തത്. ആലപ്പുഴ സ്വദേശിനിയാണ് തട്ടിപ്പിനിരയായത്. നിതയുടെ ഭർത്താവ് ഫഹദ് വിദേശത്തിരുന്നാണ് തട്ടിപ്പ് നടത്തിയത്.

വ്യാജ തിരിച്ചറിയൽ രേഖയും മറ്റും ഉപയോഗിച്ച് ഇയാൾ മാട്രിമോണി സൈറ്റിൽ അക്കൗണ്ട് തുറന്ന് തട്ടിപ്പിന് കളമൊരുക്കുകയായിരുന്നു. വിവാഹ മോചിതനാണെന്നും മറ്റുമാണ് പരാതിക്കാരിയെ ധരിപ്പിച്ചത്. വിവാഹവാഗ്ദാനം നൽകി പലതവണകളിലായി പരാതിക്കാരിയിൽ നിന്ന് ലക്ഷങ്ങൾ കൈക്കലാക്കുകയായിരുന്നു. പല അക്കൗണ്ടിലായാണ് ഇയാൾ പണം വാങ്ങിയിരുന്നത്.

തട്ടിപ്പ് തിരിച്ചറിഞ്ഞതോടെ യുവതി പൊലീസി പരാതി നൽകി. അന്വേഷണത്തിൽ ഇയാൾ കൈക്കലാക്കിയ 19 ലക്ഷത്തിൽ അഞ്ച് ലക്ഷത്തിലധികം രൂപ നിതയുടെ അക്കൗണ്ടിലേക്കും എത്തിയിരുന്നു.ഈ കണ്ടെത്തലിന്റെ അടിസ്ഥാനത്തിലാണ് ഇവരെ കേസിൽ പ്രതിചേർത്തത്. കോടതിയിൽ ഹാജരാക്കി റിമാൻഡ് ചെയ്തു.