മയക്കുമരുന്ന് കേസ് പ്രതികൾ റിമാൻഡിൽ

അങ്കമാലി: ഇരുപത് ഗ്രാം എം.ഡി.എം.എയുമായി പിടിയിലായ യുവതിയടക്കം മൂന്നു പേരെയും കോടതി റിമാൻഡ് ചെയ്തു. പെരുമ്പാവൂർ സ്വദേശി സ്വാതി കൃഷ്ണ (29), ഐശ്വര്യൻ ദിനേശൻ (28), വിഷ്ണു ചന്ദ്രൻ (31) എന്നിവരെയാണ് റൂറൽ ജില്ലാ ഡാൻസാഫും അങ്കമാലി പൊലീസും ചേർന്ന് പിടികൂടിയത്.

പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ ദേശീയ പാതയിൽ കരയാംപറമ്പിൽ നിന്നുമാണ് ഇവരെ കസ്റ്റഡിയിലെടുത്തത്.ബംഗളൂരുവിൽ നിന്ന് കാറിലെ പ്രത്യേക അറയിൽ ഒളിപ്പിച്ചു കടത്തുകയായിരുന്നു രാസലഹരി.

പൊലീസ് കൈകാണിച്ചിട്ടും നിറുത്താതെ പോയ വാഹനം പിന്തുടർന്നാണ് പിടികൂടിയത്. സ്വാതി കൃഷ്ണ നേരത്തെ എം.ഡി.എം.എ കടത്തിയ കേസിലെ പ്രതിയാണ്.