എം.ഡി.എം.എ യുമായി രണ്ട്പേർ പിടിയിൽ

കാട്ടാക്കട: ചില്ലറ വില്പനയ്ക്കായി ബംഗളൂരിൽ നിന്നെത്തിച്ച 200 ഗ്രാം എം.ഡി.എം.എയുമായി രണ്ടുപേർ പിടിയിൽ. ആമച്ചൽ കള്ളിക്കാട് താഴെ പുത്തൻവീട്ടിൽ വിഷ്ണു(35),തിരുമല വിജയമോഹിനി ക്വാർട്ടേഴ്‌സ് എ 8ൽ അനൂപ്(33)എന്നിവരാണ് കാട്ടാക്കട പൊലീസ് പിടികൂടിയത്.

രണ്ടു പായ്ക്കറ്റ് ബ്രഡിൽ ഒളിപ്പിച്ച നിലയിലായിരുന്നു. വിഷ്ണുവിന്റെ ആമച്ചലിലുള്ള വീട്ടിൽ നിന്നാണ് എം.ഡി.എം.എ പൊലീസ് കണ്ടെടുത്തത്. ഇയാൾ കാട്ടാക്കട പൊലീസ് സ്റ്റേഷനിൽ പത്തോളം കേസുകളിലെ പ്രതിയാണ്. കൊലക്കേസിൽ ജാമ്യത്തിൽ ഇറങ്ങിയ പ്രതിയാണ് അനൂപ്.