കനത്ത മഴ ; കോഴിക്കോട് മലയോരത്ത് വ്യാപക നാശനഷ്ടം

കോഴിക്കോട്: കോടഞ്ചേരി പഞ്ചായത്തിലെ പതങ്കയത്തും നാരങ്ങാത്തോടും ഇന്നലെ വൈകീട്ടോടെ വീശിയടിച്ച ശക്തമായ കാറ്റില്‍ വ്യാപക നാശം. മഴയോടൊപ്പം വീശിയടിച്ച കാറ്റില്‍ നിരവധി മരങ്ങളാണ് കടപുഴകി വീണത്.

വൈദ്യുതി ബന്ധം തകരാറിലായി. മുണ്ടൂര്‍ സ്വദേശി സിയാദിന്റെ നിര്‍ത്തിയിട്ട ഓട്ടോക്ക് മുകളില്‍ തെങ്ങ് വീണ് വാഹനം പൂര്‍ണമായും നശിച്ചു.റോഡിന് കുറുകെയും നിരവധി മരങ്ങള്‍ കടപുഴകി വീണു. ഗതാഗത തടസ്സമുണ്ടായതിനെ തുടര്‍ന്ന് മുക്കത്ത് നിന്ന് അഗ്നിരക്ഷാ സേനയെത്തിയാണ് മരങ്ങള്‍ മുറിച്ചുമാറ്റിയത്.