മോട്ടോറോളയുടെ പുതിയ ഫോൺ; എഡ്ജ് 60 ഫ്യൂഷന്‍ ഉടൻ ഇന്ത്യയിൽ എത്തും

ന്യൂഡല്‍ഹി: സ്മാര്‍ട്ട്‌ഫോണ്‍ നിര്‍മ്മാതാക്കളായ മോട്ടോറോളയുടെ പുതിയ ഫോണായ എഡ്ജ് 60 ഫ്യൂഷന്‍ ഉടന്‍ ഇന്ത്യന്‍ വിപണിയില്‍ എത്തുന്നു. ഫ്ലിപ്കാർട്ടിൽ സ്മാര്‍ട്ട്‌ഫോണിന്റെ ടീസർ പുറത്തിറക്കി. 8 ജിബി റാമും 256 ജിബി സ്റ്റോറേജോടും കൂടിയായിരിക്കും ഫോണ്‍ വിപണിയില്‍ എത്തുക എന്നാണ് റിപ്പോര്‍ട്ടുകള്‍. കേന്ദ്രീകൃത ഹോള്‍-പഞ്ച് സെല്‍ഫി ക്യാമറയുള്ള ഒരു വളഞ്ഞ ഡിസ്പ്ലേ ഫോണിൽ പ്രതീക്ഷിക്കാം. നീല, പിങ്ക്, പര്‍പ്പിള്‍ എന്നീ മൂന്ന് നിറങ്ങളില്‍ ഇത് പുറത്തിറങ്ങാനാണ് സാധ്യത. ഡിസൈനിലും നിരവധി മാറ്റങ്ങള്‍ ഉണ്ടായേക്കാം.

പിന്‍ പാനലില്‍ മുകളില്‍ ഇടത് മൂലയില്‍ ചതുരാകൃതിയിലുള്ള ഒരു ക്യാമറ മൊഡ്യൂള്‍ ഉണ്ടായേക്കും. ട്രിപ്പിള്‍ ലെന്‍സുകളും എല്‍ഇഡി ഫ്ലാഷും ഇതില്‍ ക്രമീകരിക്കും. മൊഡ്യൂളില്‍ ’24mm 50MP LYTIA OIS’ എന്നും അടയാളപ്പെടുത്തിയിരിക്കുന്നു. ഒപ്റ്റിക്കല്‍ ഇമേജ് സ്റ്റെബിലൈസേഷന്‍ ഉള്ള 50 മെഗാപിക്‌സല്‍ പ്രൈമറി ക്യാമറയോട് കൂടിയായിരിക്കും ഫോണ്‍ വിപണിയില്‍ എത്തുക എന്നാണ് റിപ്പോര്‍ട്ടുകള്‍. ഏകദേശം 33000 രൂപയാണ് വില പ്രതീക്ഷിക്കുന്നത്.