മാലിന്യമുക്തം നവകേരളം: പരിശോധന ശക്തമാക്കി

സംസ്ഥാനത്തെ സമ്പൂര്‍ണ മാലിന്യമുക്തമായി മാര്‍ച്ച് 31 ന് പ്രഖ്യാപിക്കുന്നതിന്റെ ഭാഗമായി ജില്ലയിലെ കടകളിലും സ്ഥാപനങ്ങളിലും

വിജിലന്‍സ് പരിശോധന ശക്തമാക്കി. ആലപ്പുഴ മുന്‍സിപ്പാലിറ്റി, ചമ്പക്കുളം ബ്ലോക്ക്, തകഴി ഗ്രാമപഞ്ചായത്ത് എന്നിവിടങ്ങളില്‍ സ്‌ക്വാഡ് നടത്തിയ പരിശോധനയില്‍ അജൈവ മാലിന്യങ്ങള്‍ കത്തിച്ചതിനും പ്ലാസ്റ്റിക് മാലിന്യങ്ങള്‍ അലക്ഷ്യമായി കൈകാര്യം ചെയ്തതിനും സെന്റ് തോമസ് ഓര്‍ത്തഡോക്‌സ് ചര്‍ച്ചില്‍ നിന്നും എം. എം ഡയഗ്‌നോസ്റ്റിക് ലാബില്‍ നിന്നും 5000 രൂപ വീതം പിഴ ഈടാക്കാന്‍ സ്‌ക്വാഡ് ശുപാര്‍ശ ചെയ്തു.
29 സ്ഥാപനങ്ങളില്‍ നടത്തിയ പരിശോധനയില്‍ അശാസ്ത്രീയ മാലിന്യ സംസ്‌കരണം, പരിസരം വൃത്തിയായി സൂക്ഷിക്കാത്തത്, പ്ലാസ്റ്റിക് മാലിന്യങ്ങള്‍ അലക്ഷ്യമായി കൈകാര്യം ചെയ്യുന്നത് തുടങ്ങിയ നിയമലംഘനങ്ങള്‍ക്കെതിരെ 9 സ്ഥാപനങ്ങള്‍ക്ക് നോട്ടീസ് നല്‍കി. വരും ദിവസങ്ങളിലും പരിശോധന ശക്തമാക്കുമെന്ന് വിജിലന്‍സ് സ്‌ക്വാഡ് അറിയിച്ചു.