ചന്ദനപ്പള്ളിയിൽ കടയ്ക്കു നേരെ കാട്ടുപന്നി അക്രമണം

ചന്ദനപ്പള്ളിയിൽ ഇന്നലെ ജംഗ്ഷനിലെ അമ്മൂസ് സ്റ്റോഴ്സ് എന്ന കടയ്ക്കു നേരെ കാട്ടുപന്നികളുടെ അക്രമം . രാവിലെ 11 മണിയോടെ കടയുടെ മുൻ ഭാഗത്തെ ഗ്ലാസ് ഇടിച്ചുതകർത്ത് കാട്ടുപന്നി അകത്തുകയറി. കടയിലെ സാധനങ്ങൾ നശിപ്പിച്ചു .ഈ സമയം ഉടമ കടയിൽ ഇല്ലായിരുന്നു. വീണ്ടും ഗ്ളാസ് തകർത്താണ് പന്നി പുറത്തിറങ്ങിയത്.

ഇതോടെ യാത്രക്കാരും വ്യാപാരികളും ഭീതിയിലായി.പന്നി ഒാടിപ്പോയി. അപകടകാരികളായ കാട്ടുപന്നികളെ അമർച്ച ചെയ്യാൻ പഞ്ചായത്ത് അധികൃതർ നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.