മുണ്ടുടുത്ത് കിടിലൻ ലുക്കിൽ ധോണി; വൈറലായി ചിത്രങ്ങൾ

ധോണിയുടെ ലുക്കും ഹെയര്‍സ്റ്റൈലും എല്ലാം ആരാധകര്‍ക്കിടയിലും സോഷ്യല്‍ മീഡിയയില്‍ തരംഗം സൃഷ്ടിക്കാറുണ്ട്. ഇപ്പോള്‍ വീണ്ടും സോഷ്യല്‍ മീഡിയയെ ഇളക്കിമറിച്ചുകൊണ്ട് എത്തിയിരിക്കുകയാണ് ആരാധകരുടെ പ്രിയപ്പെട്ട ധോണി. ദക്ഷിണേന്ത്യയിലെ പരമ്പരാഗത വസ്ത്രമായ മുണ്ട് ധരിച്ചാണ് ഇപ്പോള്‍ ധോണി പ്രത്യക്ഷപ്പെട്ടിരിക്കുന്നത്.

മുണ്ടും ഷര്‍ട്ടും ധരിച്ച് കൂളിങ് ഗ്ലാസും വെച്ച് സ്റ്റൈലായി നടന്നുവരുന്ന ധോണിയാണ് ചിത്രത്തിലുള്ളത്. ചെന്നൈ സൂപ്പര്‍ കിങ്‌സ് തങ്ങളുടെ ഔദ്യോഗിക സോഷ്യല്‍ മീഡിയ ഹാന്‍ഡിലില്‍ പങ്കുവെച്ച ചിത്രം ഇതിനോടകം തന്നെ വൈറലായിട്ടുണ്ട്.’സാറേ തല മാസ്’ എന്ന ക്യാപ്ഷനോടെയാണ് ‘തല’യുടെ പുതിയ ചിത്രം സിഎസ്‌കെ പോസ്റ്റ് ചെയ്തത്.