കോമഡി ഫാമിലി ചിത്രം; പരിവാർ ചിത്രത്തിൻ്റെ ഓൺലൈൻ ബുക്കിങ് ആരംഭിച്ചു

ഫ്രാഗ്രന്റ് നേച്ചർ ഫിലിം ക്രിയേഷൻസിന്റെ ബാനറിൽ ഉത്സവ്‌ രാജീവ്, ഫഹദ് നന്ദു എന്നിവർ തിരക്കഥ എഴുതി സംവിധാനം നിർവഹിച്ച പരിവാർ ചിത്രത്തിൻ്റെ ഓൺലൈൻ ബുക്കിങ് ആരംഭിച്ചു. ജഗദീഷ്, ഇന്ദ്രൻസ്, പ്രശാന്ത് അലക്സാണ്ടർ, മീനാ രാജ്, ഭാഗ്യ, ഋഷികേഷ് എന്നിവർ കേന്ദ്ര കഥാപാത്രങ്ങളായി എത്തുന്ന ചിത്രമാണ് പരിവാർ. കൂടാതെ ചിത്രം കോമഡി ഫാമിലി എന്റർടെയ്നറായിട്ടാണ് എത്തുന്നത്.

അതേസമയം കുടുംബ ബന്ധങ്ങളുടെ ഇടയിൽ സംഭവിക്കുന്ന ചില പ്രശ്നങ്ങളാണ് ഈ ചിത്രത്തിൽ പ്രമേയമായി വരുന്നത്. ഒരു കുടുംബ പശ്ചാത്തലത്തിൽ ഒരുക്കിയ ചിത്രമായതിനാൽ പ്രേക്ഷകർ ഇരുകൈയ്യും നീട്ടി സ്വീകരിക്കുമെന്നാണ് പ്രതീക്ഷ.

ആൻ സജീവ്,സജീവ് പി കെ എന്നിവർ നിർമ്മിക്കുന്ന ചിത്രത്തിൽ ഛായാഗ്രഹണം ഒരുക്കിയിരിക്കുന്നത് അൽഫാസ് ജഹാംഗീറാണ്. സന്തോഷ് വർമ്മ എഴുതിയ വരികൾക്ക് ബിജിബാലാണ് സംഗീതം പകർന്നിരിക്കുന്നത്.