സിപിഎം സംസ്ഥാന സംമ്മേളനം സ്വന്തം മണ്ഡലത്തിൽ, മുകേഷ് എംഎൽഎ എവിടെ?

കൊല്ലം: ജില്ലയിൽ നടക്കുന്ന സിപിഎം സംസ്ഥാന സമ്മേളനത്തിന്റെ ഉദ്ഘാടന പരിപാടിയിൽ മുകേഷ് എംഎൽഎയുടെ പങ്കെടുക്കാത്തത് ചർച്ചയാകുന്നു. മുകേഷ് നിലവിൽ ജില്ലയിലില്ല എന്നാണ് ലഭ്യമാകുന്ന വിവരം. സ്വന്തം മണ്ഡലത്തിൽ സംസ്ഥാന സമ്മേളനം നടക്കുമ്പോൾ നടനും എംഎൽഎയുമായ മുകേഷിന്റെ അസാന്നിധ്യം വാർത്തയാവുകയാണ്. ആലുവ സ്വദേശിയായ നടിയുടെ പരാതിയിലെടുത്ത കേസിൽ കുറ്റപത്രം സമർപ്പിച്ചതിന് ശേഷം പാർട്ടി പരിപാടികളിൽ മുകേഷ് പങ്കെടുത്തിട്ടില്ല. സമ്മേളനത്തിന്റെ ലോഗോ പ്രകാശനത്തിലാണ് എംഎൽഎ അവസാനമായി പങ്കെടുത്തത്.