സ്വന്തം രാജ്യക്കാരനെ കൊലപ്പെടുത്തിയ പ്രവാസി അറസ്റ്റിൽ

മസ്കറ്റ്: ഒമാനിൽ സ്വന്തം രാജ്യക്കാരനെ കൊലപ്പെടുത്തിയ പ്രവാസി അറസ്റ്റിൽ. കൊലപാതകക്കേസിൽ പ്രവാസിയെ തെക്കൻ ശര്‍ഖിയ ഗവര്‍ണറേറ്റിലെ ജലൻ ബാനി ബു അലി വിലായത്തില്‍ അറസ്റ്റ് ചെയ്തതെന്ന് റോയൽ ഒമാന്‍ പൊലീസ് അറിയിച്ചു.

കേസിൽ ഏഷ്യന്‍ രാജ്യക്കാരനാണ് അറസ്റ്റിലായത്. വ്യക്തിപരമായ തർക്കങ്ങളെത്തുടർന്നാണ് പ്രതി സ്വന്തം രാജ്യക്കാരനെ കൊലപ്പെടുത്തിയത്. അറസ്റ്റിലായ പ്രവാസിക്കെതിരെയുള്ള നടപടികൾ പൂർത്തിയായി വരികയാണ് ഒമാന്‍ പൊലീസ് അറിയിച്ചു .