രാജ്യവ്യാപകമായി ലഹരിമരുന്ന് വിതരണം ചെയ്തവിദ്യാ സമ്പന്നർ പിടിയിൽ

മുംബൈ: ഇന്ത്യയിലെ ഏറ്റവും വലിയ മയക്കുമരുന്ന് സംഘം പിടിയിൽ. മുംബൈ നാർക്കോട്ടിക്സ് കൺട്രോൾ ബ്യൂറോയാണ് ഇവരെ പിടികൂടിയത്. ആറ് പേരാണ് ഇതുമായി ബന്ധപ്പെട്ട് അറസ്റ്റിലായത്. ഉന്നത വിദ്യാസമ്പന്നരായ സംഘത്തിലെ പ്രതികൾ കഴിഞ്ഞ രണ്ട് വർഷത്തിനിടെ രാജ്യത്തുടനീളം ഏകദേശം 1,128 കോടി രൂപയുടെ മയക്കുമരുന്ന് വിറ്റഴിച്ചതായി ഉദ്യോഗസ്ഥർ പറഞ്ഞു.

നവി മുംബൈ സ്വദേശിയായ നവീൻ ചിച്കറാണ് സംഘത്തിലെ പ്രധാനി. ഇയാൾ ഇപ്പോൾ വിദേശത്താണ് ഉള്ളത്. ക്രിമിനൽ സൈക്കോളജിയിൽ ബിരുദം പൂർത്തിയാക്കിയ ഇയാൾ ലണ്ടനിൽ നിന്നും ഫിലിം ആൻഡ് ടെലിവിഷൻ കോഴ്സും പഠിച്ചിട്ടുണ്ട്. ഇയാൾക്ക് വേണ്ടിയുള്ള അന്വേഷണം തുടരുകയാണെന്ന് മുംബൈ പൊലീസ് അറിയിച്ചു.

വിദേശത്ത് തന്നെ താമസിക്കുന്നവരാണ് കേസുമായി ബന്ധപ്പെട്ട് പിടിയിലായ മറ്റ് മൂന്ന് പേർ. കൊക്കൈയ്ൻ, ഹൈബ്രിഡ് കഞ്ചാവ് എന്നിവയാണ് ഇവർ പ്രധാനമായി വിറ്റിരുന്നത്. യു.എസിൽ നിന്നും എയർ കാർഗോ വഴിയാണ് മയക്കുമരുന്ന് എത്തിച്ചിരുന്നത്. തുടർന്ന് മുംബൈയിൽ നിന്നും രാജ്യത്ത് മുഴുവൻ വിതരണം ചെയ്യുകയായിരുന്നു. ആസ്ട്രേലിയയിൽ നിന്നും ഇവർ മയക്കുമരുന്ന് എത്തിച്ചിരുന്നു.

മുംബൈയിലെ മയക്കുമരുന്ന് വിതരണത്തെ കുറിച്ച് ഇന്റലിജൻസ് വിവരങ്ങൾ നാർക്കോട്ടിക് കൺട്രോൾ ബ്യൂറോക്ക് ലഭിച്ചിരുന്നു. ഇതുമായി ബന്ധപ്പെട്ട അന്വേഷണത്തിനൊടുവിൽ സംഘം വൻതോതിൽ മയക്കുമരുന്ന് വിറ്റിട്ടുണ്ടെന്ന് കണ്ടെത്തുകയായിരുന്നു. അതേസമയം നവി മുംബൈയിൽ നിന്നുള്ള 30 വയസ്സുള്ള ഹവാല ഇടപാടുകാരൻ എച്ച് പട്ടേലിനെയും വ്യാപാരി എച്ച് മാനെയെയും ഉദ്യോഗസ്ഥർ അറസ്റ്റ് ചെയ്തു. ശാരീരിക ചലനങ്ങളില്ലാതെ പണം കൈമാറ്റം ചെയ്യുന്നതിനുള്ള ഒരു അനൗപചാരികവും പരമ്പരാഗതവുമായ രീതിയാണ് ഹവാല.

11.540 കിലോഗ്രാം വളരെ ഉയർന്ന ഗ്രേഡ് കൊക്കെയ്ൻ, 4.9 കിലോഗ്രാം ഹൈബ്രിഡ് സ്ട്രെയിൻ ഹൈഡ്രോപോണിക് കള, 200 പാക്കറ്റുകൾ (5.5 കിലോഗ്രാം) കഞ്ചാവ് ഗമ്മികൾ, 1,60,000 രൂപ എന്നിവയും നവി മുംബൈയിൽ നിന്ന് പോലീസ് കണ്ടെടുത്തു. 1.60 ലക്ഷം രൂപയും ഇവരിൽ നിന്നും കണ്ടെടുത്തിട്ടുണ്ട്.