പി.എസ്.സി പോലീസ് ഡ്രൈവിംഗ് ടെസ്റ്റ് മാര്‍ച്ച് 4 മുതല്‍

തിരുവനന്തപുരം : പോലീസ് വകുപ്പില്‍ പോലീസ് കോണ്‍സ്റ്റബിള്‍ ഡ്രൈവര്‍/വനിതാ പോലീസ് കോണ്‍സ്റ്റബിള്‍ ഡ്രൈവര്‍ (കാറ്റഗറി നമ്പര്‍ 416/2023) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട കണ്ണൂര്‍ ജില്ലയിലേക്ക് അലോട്ട് ചെയ്ത് ഉദ്യോഗാര്‍ഥികള്‍ക്കായുള്ള പ്രായോഗിക പരീക്ഷ (ഡ്രൈവിംഗ് ടെസ്റ്റ്) മാര്‍ച്ച് 4 മുതല്‍ 11 വരെയുള്ള തീയതികളില്‍ (ശനി, ഞായര്‍ ദിനങ്ങള്‍ ഒഴികെ) ആറ് ദിവസങ്ങളിലായി കലക്ട്രേറ്റ് മൈതാനത്ത് രാവിലെ 5.30 മുതല്‍ നടത്തും.

ഉദ്യോഗാര്‍ത്ഥികള്‍ക്ക് ഇതു സംബന്ധിച്ച് പ്രൊഫൈല്‍ മെസ്സേജ് മുഖേന അറിയിപ്പ് നല്‍കിയിട്ടുണ്ട്. ഉദ്യോഗാര്‍ത്ഥികള്‍ അവരവരുടെ പ്രൊഫൈലില്‍ നിന്നും ഡൗണ്‍ലോഡ് ചെയ്‌തെടുത്ത അഡ്മിഷന്‍ ടിക്കറ്റിലെ നിര്‍ദ്ദേശ പ്രകാരം പ്രായോഗിക പരീക്ഷയ്ക്ക് (ഡ്രൈവിംഗ് ടെസ്റ്റ്) യഥാസമയം ഹാജരാകണമെന്ന് പി.എസ്.സി ജില്ലാ ഓഫീസര്‍ അറിയിച്ചു.