അന്നെന്റെ മടിയിൽ ഇരുന്നു കളിച്ച കുട്ടി ഇന്ന് പാൻ ഇന്ത്യൻ താരം: സന്തോഷം പങ്കിട്ട് ബാബു ആന്റണി

ഫഹദ് ഫാസിലിനെക്കുറിച്ച് ബാബു ആന്റണി തുറന്ന് പറഞ്ഞ കാര്യങ്ങളാണ് ഇപ്പോൾ വൈറലാകുന്നത്. ഫഹദിനൊപ്പമുള്ള ചിത്രം പങ്കുവെച്ചാണ് ബാബു ആന്റണി തുറന്ന് പറഞ്ഞിരിക്കുന്നത്. പൂവിനു പുതിയ പൂന്തെന്നൽ സിനിമ ചെയ്യുന്നതിനിടയിൽ തന്റെ മടിയിൽ ഇരുന്നു കളിച്ചിരുന്ന കുട്ടിയാണ് ഇന്ന് പാൻ ഇന്ത്യൻ താരമായി മാറിയിരിക്കുന്നത് എന്നാണ് ബാബു ആന്റണി കുറിച്ചത്.

‘പൂവിനു പുതിയ പൂന്തെന്നൽ ചെയ്യുന്നതിനിടയിൽ എന്റെ മടിയിൽ ഇരുന്നു കളിച്ചിരുന്ന കുട്ടി ഇന്ന് ഒരു പാൻ ഇന്ത്യൻ താരമായി മാറിയിരിക്കുന്നു. അൽത്താഫ് സലിം സംവിധാനം ചെയ്ത ‘ഓടും കുതിര ചാടും കുതിര’യുടെ ലൊക്കേഷനിൽ,’’ എന്ന കുറിപ്പോടെയാണ് ബാബു ആന്റണി ചിത്രം പങ്കുവച്ചത്. പരസ്പരം മുത്തംവെക്കുന്ന ചിത്രമാണ് ബാബു ആന്റണി പങ്കുവെച്ചത്.

ഫഹദ് ഫാസിലിനെ നായകനാക്കി അൽത്താഫ് സലിം തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ഓടും കുതിര ചാടും കുതിര’. കല്യാണി പ്രിയദർശൻ, രേവതി പിള്ള, ധ്യാൻ ശ്രീനിവാസൻ, വിനയ് ഫോർട്ട്‌, ലാൽ, രണ്‍ജി പണിക്കർ, റാഫി, ജോണി ആന്റണി, സുരേഷ് കൃഷ്ണ, നന്ദു, അനുരാജ്, ഇടവേള ബാബു, ബാബു ആന്റണി, വിനീത് ചാക്യാർ, സാഫ് ബോയ്, ലക്ഷ്മി ഗോപാലസ്വാമി, ആതിര നിരഞ്ജന തുടങ്ങിയവരും ചിത്രത്തിൽ എത്തുന്നുണ്ട്. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാനാണ് ചിത്രത്തചിൻ്റെ നിർമ്മാണം നിർവഹിക്കുന്നത്.