ഏഴ് ഏക്കറിൽ തീർത്ത സാമ്രാജ്യം; ഇന്ത്യയിലെ ഏറ്റവും വലിയ കാർഗോ ടെർമിനൽ പ്രവർത്തനം ആരംഭിച്ചു

ബെംഗളൂരു: ഇന്ത്യയിലെ ഏറ്റവും വലിയ കാർഗോ ടെർമിനൽ ബെംഗളൂരു വിമാനത്താവളത്തിൽ പ്രവർത്തനം ആരംഭിച്ചു. 7 ഏക്കറിൽ വ്യാപിച്ചു കിടക്കുന്ന പരിസ്ഥിതി സൗഹൃദ ടെർമിനലാണ് അരംഭിച്ചത്. കൂടാതെ ഇതിന് ഒരേ സമയം 3.6 ലക്ഷം മെട്രിക് ടൺ കാർഗോ കൈകാര്യം ചെയ്യൻ കഴിയും.

അതേസമയം ഡിസംബർ മുതൽ പരീക്ഷണം നടത്തി വന്ന പ്രവർത്തനമാണ് ഇപ്പോൾ പൂർണതയിൽ ആരംഭിച്ചിരിക്കുന്നത്. നിലവിൽ ദക്ഷിണേന്ത്യൻ സംസ്ഥാനങ്ങളിൽ വ്യോമമാർഗമുള്ള ചരക്ക് ഗതാഗതത്തിൽ 40 ശതമാനവും ബെംഗളൂരു വഴിയാണ് നടക്കുന്നത്.