തെറ്റായ ആരോപണം: ക്രിപ്‌റ്റോകറൻസി തട്ടിപ്പിൽ പ്രതികരണവുമായി തമന്ന

ക്രിപ്‌റ്റോകറൻസി തട്ടിപ്പുമായി ബന്ധപ്പെട്ട സമീപകാല റിപ്പോർട്ടുകളെ ശക്തമായി നിഷേധിച്ച് തമന്ന ഭാട്ടിയ. 2.4 കോടി രൂപയുടെ തട്ടിപ്പിൽ തനിക്ക് പങ്കില്ലെന്ന് നടി വ്യക്തമാക്കി. അഴിമതിയുമായി തനിക്ക് യാതൊരു ബന്ധവുമില്ലെന്നും അത്തരം തെറ്റായ വിവരങ്ങൾ പ്രചരിക്കുന്നതിനെതിരെ നിയമനടപടി സ്വീകരിക്കുമെന്നും നടി പറഞ്ഞു.

അടിസ്ഥാനരഹിതമായ കിംവദന്തികൾ പ്രചരിപ്പിക്കുന്നതിൽ നിന്ന് പൊതുജനങ്ങളോടും മാധ്യമങ്ങളോടും വിട്ടുനിൽക്കാൻ തമന്ന ആവശ്യപ്പെട്ടു. ‘ക്രിപ്‌റ്റോകറൻസിയുമായി എന്റെ പങ്കാളിത്തവും ഇടപാടുകളും ആരോപിച്ച് കിംവദന്തികൾ പ്രചരിക്കുന്നുണ്ട്.

അത്തരം വ്യാജവും തെറ്റിദ്ധരിപ്പിക്കുന്നതും തെറ്റായതുമായ റിപ്പോർട്ടുകളും കിംവദന്തികളും പ്രചരിപ്പിക്കരുതെന്ന് മാധ്യമങ്ങളിലെ എന്റെ സുഹൃത്തുക്കളോട് ഞാൻ അഭ്യർത്ഥിക്കുന്നു. അതേസമയം, ഉചിതമായ നടപടി സ്വീകരിക്കാൻ എന്റെ ടീം സംഭവം പരിശോധിച്ചുകൊണ്ടിരിക്കുകയാണ്’- തമന്ന പറഞ്ഞു.