ആറ് കിലോ കഞ്ചാവുമായി രണ്ടുപേർ‌ അറസ്റ്റിൽ

തിരുവനന്തപുരം: വില്പനയ്ക്കായി കടത്തിക്കൊണ്ടുവന്ന ആറ് കിലോ കഞ്ചാവുമായി രണ്ടുപേർ പിടിയിൽ.പേരൂർക്കട എ.കെ.ജി നഗർ സ്വദേശി അനന്തു (22),കൊടുങ്ങാനൂർ മുള്ളൻചാണിവിള അനിത നിവാസിൽ വിനീഷ് (22) എന്നിവരാണ് അറസ്റ്റിലായത്‌.

തിങ്കളാഴ്ച രാത്രി 10ന് ശാസ്തമംഗലത്തായിരുന്നു സംഭവം നടന്ത്.കഞ്ചാവ് കടത്തുന്നതായുള്ള വിവരത്തെത്തുടർന്ന് പൊലീസ് നടത്തിയ വാഹനപരിശോധനയിലാണ് പ്രതികൾ പിടിയിലായത്.മുൻപും ലഹരിക്കേസുകളിൽ ഉൾപ്പെട്ടവരാണ് പ്രതികളെന്ന് പൊലീസ് പറഞ്ഞു.കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.