ശിവരാത്രി വ്രതം നോക്കുന്നവർക്ക് ഇതാ തയാറാക്കാം “അസ്ത്രം”

ശിവരാത്രി വ്രതം നോൽക്കുന്നവർക്ക് കഴിക്കാവുന്ന നാലു വിഭവങ്ങളിൽ ഒന്നാണ് അസ്ത്രം. കൂടുതലായി നല്ല ചൂട് കഞ്ഞിയുടെ കൂടെയാണ് അസ്ത്രം കഴിക്കുന്നത്. സ്വാദിനോടൊപ്പം ആരോഗ്യത്തിനും അസ്ത്രം വളരെ ഗുണം ചെയ്യുന്നു.

ചേരുവകൾ…..

1. ചേന – 100 ഗ്രാം
2. കാച്ചിൽ- 100 ഗ്രാം
3. ചേമ്പ്- 100 ഗ്രാം
4. കൂർക്ക- 100 ഗ്രാം
5. നനകിഴങ്ങ് – 100 ഗ്രാം
6.നേന്ത്ര കായ- 100 ഗ്രാം
7. നാള‌ികേരം- ഒന്ന്
8 ജീരകം- അര ടീസ്പൂൺ,
9. പച്ചമുളക്- 8 എണ്ണം
10. പുളി പിഴിഞ്ഞത്- 2 സ്പൂൺ
11. വെളിച്ചെണ്ണ-10 മില്ലി
11. കടുക്- ഒരു സ്പൂൺ
12. കറിവേപ്പില- കുറച്ച്
1 3. മഞ്ഞൾപ്പൊടി- ഒരു ടീസ്പൂൺ
14.അധികം പുളിക്കാത്ത മോര്- 100 എംഎൽ

തയാറാക്കുന്ന വിധം….

ചേന, കാച്ചിൽ,ചേമ്പ്,കൂർക്ക,നനകിഴങ്ങ്,നേന്ത്ര കായ തോൽകളഞ്ഞ് അൽപം വലിയ കഷ്ണങ്ങളായി മുറിക്കുക.ഇവ മുങ്ങിക്കിടക്കുന്ന പാകത്തിന് വെള്ളം ഒഴിച്ച് വേവിക്കുക. വെന്തു തുടങ്ങുമ്പോൾ ഉപ്പ്, പുളി, മഞ്ഞൾപ്പൊടി എന്നിവ ചേർത്തു വേവിക്കുക. നാളികേരം, ജീരകം,പച്ചമുളക് അരച്ച് വെന്ത അസ്ത്രത്തിലേക്ക് ഒഴിച്ച് തിളപ്പിക്കുക. അടുപ്പിൻ നിന്നിറക്കി മോരും കടുകു താളിച്ചതും കറിവേപ്പിലയും ചേർത്തിളക്കി ഉപയോഗിക്കുക.