വീട്ടിലെ മുറിക്കുള്ളിൽ സൂക്ഷിച്ചിരുന്ന കഞ്ചാവും എംഡിഎംഎയും പിടികൂടി

കോഴിക്കോട്: രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ 150 ഗ്രാം എംഡിഎംഎ പിടികൂടി. താമരശ്ശേരി കുടുക്കിലുമ്മാരം സ്വദേശി ദിപീഷ് കെ കെ ആണ് എംഡിഎംഎയുമായി പിടിയിലായത്. ഇയാളുടെ വീട്ടിലെ മുറിക്കുള്ളിൽ നിന്നാണ് എംഡിഎംഎ പിടികൂടിയത്. ഇതുകൂടാതെ 450 ഗ്രാം കഞ്ചാവും പ്രതിയുടെ മുറിയിൽ നിന്നും എക്‌സൈസ് സംഘം കണ്ടെത്തി. മുൻപ് പോലീസിനെ ആക്രമിച്ച കേസിലും പ്രതിയാണ് ഇയാൾ. കേസിൽ റിമാൻഡിലായ പ്രതി ജയിൽ മോചിതനായ ശേഷവും സമാനമായ കുറ്റകൃത്യങ്ങളിൽ ഏർപ്പെടുന്നതായി പോലീസ് കണ്ടെത്തി.