ഡ്രൈ​വ​റി​ല്ലാ വാ​ഹ​ന​ങ്ങ​ളു​ടെ സേവനം ഇ​നി മുതൽ ഹ​മ​ദ് വി​മാ​നത്താ​വ​ള​ത്തിലും

ഡ്രൈ​വ​റി​ല്ലാ വാ​ഹ​ന​ങ്ങ​ളു​ടെ സേവനം ഇ​നി മുതൽ ഹ​മ​ദ് വി​മാ​ന​ത്താ​വ​ള​ത്തിലും ലഭ്യമാകും. വി​മാ​ന​ത്താ​വ​ള​ത്തി​ലെ​ത്തു​ന്ന യാ​ത്ര​ക്കാ​ർ​ക്കും ജീ​വ​ന​ക്കാ​ർ​ക്കും ഓ​ട്ടോ​ണ​മ​സ് വാ​ഹ​ന​ങ്ങ​ൾ ഏ​ർ​പ്പെ​ടു​ത്താ​നു​ള്ള പ​രീ​ക്ഷ​ണ​യാ​ത്ര​ക​ൾ ആ​രം​ഭിച്ചിട്ടുണ്ട്. ഓ​ട്ടോ​ണ​മ​സ് ബ​സ്, ഓ​ട്ടോ​ണ​മ​സ് ബാ​ഗേ​ജ് ട്രാ​ക്ട​ർ എ​ന്നി​വ​യു​ൾ​പ്പെ​ടെ അ​ത്യാ​ധു​നി​ക ഓ​ട്ടോ​ണ​മ​സ് വാ​ഹ​ന​ങ്ങ​ളു​ടെ സേ​വ​നം ഉ​പ​യോ​ഗ​പ്പെ​ടു​ത്താ​നു​ള്ള ശ്ര​മ​ത്തി​ന്റെ ഭാ​ഗ​മാ​യാ​ണ് പ​രീ​ക്ഷ​ണാ​ടി​സ്ഥാ​ന​ത്തി​ൽ ഇത്തരം വാ​ഹ​ന​ങ്ങ​ൾ വി​മാ​ന​ത്താ​വ​ള​ത്തി​ൽ ഉ​പ​യോ​ഗി​ച്ച് തു​ട​ങ്ങി​യ​ത്.

ഖ​ത്ത​ർ ഏ​വി​യേ​ഷ​ൻ സർവീസസ്, എ​യ​ർ​പോ​ർ​ട്ട് ഓപ്പറേഷൻ ആ​ൻ​ഡ് മാ​നേ​ജ്മെ​ന്റ് ക​മ്പ​നി​യാ​യ മ​താ​ർ, ഖ​ത്ത​ർ ഫൗ​ണ്ടേ​ഷ​ൻ അം​ഗ​മാ​യ ഖ​ത്ത​ർ സ​യ​ൻ​സ് ആ​ൻ​ഡ് ടെ​ക്നോ​ള​ജി പാ​ർ​ക്ക് എ​ന്നി​വ​യു​മാ​യി സ​ഹ​ക​രി​ച്ചാ​ണ് വി​മാ​ന​ത്താ​വ​ള​ത്തി​ൽ പു​തി​യ ഓ​ട്ടോ​ണ​മ​സ് ഗ​താ​ഗ​ത സം​വി​ധാ​നം ന​ട​പ്പാ​ക്കു​ക. ജി.​പി.​എ​സ്, എ.​ഐ ഡ്രൈ​വ​ൺ സി​സ്റ്റ​ങ്ങ​ൾ, വി​വി​ധ ഇ​ന്റ​ലി​ജ​ന്റ് സെ​ൻ​സ​റു​ക​ൾ, ലി​ഡാ​റു​ക​ൾ തു​ട​ങ്ങി നൂ​ത​ന സാ​ങ്കേ​തി​ക​വി​ദ്യ​ക​ൾ കൊ​ണ്ട് സ​ജ്ജീ​ക​രി​ച്ച ഈ ​വാ​ഹ​ന​ങ്ങ​ൾ ഉ​യ​ർ​ന്ന പ്ര​വ​ർ​ത്ത​ന സു​ര​ക്ഷ​യും കാ​ര്യ​ക്ഷ​മ​ത​യും ന​ൽ​കു​ന്ന രീ​തി​യി​ലാ​ണ് രൂ​പ​ക​ൽ​പ​ന ചെ​യ്‌​തി​രി​ക്കു​ന്ന​ത്. ഏ​തു കാ​ലാ​വ​സ്ഥ​യി​ലും 24 മ​ണി​ക്കൂ​റും പ്ര​വ​ർ​ത്തി​ക്കാ​ൻ ഈ വാഹനങ്ങൾക്ക്‌ സാധിക്കും.