ദേശീയ ദിനാഘോഷം; കുവൈത്തിൽ 23 സുരക്ഷാ കേന്ദ്രങ്ങൾ സജ്ജം

കുവൈത്ത് സിറ്റി: രാജ്യത്ത് നടക്കാനിരിക്കുന്ന ദേശീയ ദിനാഘോഷത്തിന്റെ ഭാഗമായി സുരക്ഷ ഉറപ്പാക്കാനുള്ള ക്രമീകരണങ്ങൾ നടത്തിയതായി കുവൈത്ത് ആഭ്യന്തര മന്ത്രാലയം. എല്ലാ ഗവർണറേറ്റുകളിലും 23 സുരക്ഷാ പരിശോധന കേന്ദ്രങ്ങൾ സ്ഥാപിച്ചിട്ടുണ്ട്. കുവൈത്ത് ആഭ്യന്തര മന്ത്രാലയത്തിന്റെ പൊതു സുരക്ഷാ വിഭാഗത്തിലെ ഓപ്പറേഷൻസ് ഡിപ്പാർട്ട്‌മെന്‍റ് ഡയറക്ടർ ബ്രിഗേഡിയർ അലി അൽ ഉസ്താദാണ് ഈ വിവരം അറിയിച്ചത്. ആഭ്യന്തര മന്ത്രി ഷെയ്ഖ് ഫഹദ് യൂസഫ് സൗദ് അൽ സബാഹിന്‍റെ നിർദ്ദേശാനുസരണമാണ് ക്രമീകരണങ്ങളെല്ലാം നടത്തിയതെന്നും അദ്ദേഹം പറഞ്ഞു.