ഡി.വൈ.എഫ്.ഐയുടെ പരിപാടിയിലേക്ക് ശശി തരൂരിന് ക്ഷണം

തിരുവനന്തപുരം : വിവാദങ്ങൾ കത്തിനിൽക്കുമ്പോൾ ഡി വൈ എഫ് ഐ പരിപാടിയിലേക്ക് ശശി തരൂർ എംപിക്ക് ക്ഷണം ലഭിച്ചു. ഡിവൈഎഫ്ഐ സംഘടിപ്പിക്കുന്ന ‘മവാസോ’ സ്റ്റാർട്ടപ്പ് ഫെസ്റ്റിവലിലേക്ക് ശശി തരൂർ എംപിയെ ക്ഷണിച്ചിരിക്കുനത്.

ഡിവൈഎഫ്ഐ അഖിലേന്ത്യ പ്രസി‍ഡന്റ് എ എ റഹീം, സംസ്ഥാന സെക്രട്ടറി വി കെ സനോജ്, കേന്ദ്ര കമ്മിറ്റി അംഗം ‌എം ഷാജർ എന്നിവരാണ് ഡൽഹിയിലെ വസതിയിലെത്തി ശശി തരൂരിനെ ക്ഷണിച്ചത്.തരൂർ പരിപാടിക്ക് ആശംസയറിയിച്ചിട്ടുണ്ട്. പരിപാടിയിൽ പങ്കെടുക്കുമെന്നോ ഇല്ലന്നോ എന്ന് തരൂർ വെളിപ്പെടുത്തിട്ടില്ല. ക്ഷണിച്ചതിൽ സന്തോഷമെന്നും , വികസന കാര്യത്തിൽ താൻ രാഷ്ട്രീയം നോക്കാറില്ലെന്നും ശശി തരൂർ പറഞ്ഞു .

മാർച്ച് ഒന്ന്, രണ്ട് തീയതികളിൽ തിരുവനന്തപുരത്ത് വച്ചാണ് പരിപാടി നടക്കുന്നത് . മുഖ്യമന്ത്രി പിണറായി വിജയനാണ് പരിപാടി ഉദ്ഘാടനം ചെയ്യുന്നത്. പാർട്ടി നിലപാടുകൾക്ക് വിരുദ്ധമായി പരസ്യ അഭിപ്രായം രേഖപ്പെടുത്തിയ ശശി തരൂരുമായി ഡൽഹിയിൽ കോൺഗ്രസ് അദ്ധ്യക്ഷൻ മല്ലികാർജ്ജുന ഖാർഗെയും രാഹുൽ ഗാന്ധിയും കഴിഞ്ഞ ദിവസം ചർച്ച നടത്തിയിരുന്നു.പാർട്ടിയെ പ്രതിസന്ധിയിലാക്കുന്ന തരത്തിലുള്ള ഒരു നടപടികളും തരൂരിന്റെ ഭാഗത്തു നിന്നും ഉണ്ടാകരുതെന്നും നിർദ്ദേശം നല്കിട്ടുണ്ട്.