ക്രിസ്മസ്-പുതുവത്സര ബമ്പർ നറുക്കെടുപ്പ്ഫലം പുറത്ത്

തിരുവനന്തപുരം: ക്രിസ്മസ്-പുതുവത്സര ബമ്പർ നറുക്കെടുപ്പ്ഫലം പുറത്ത്. ഒന്നാംസമ്മാനം XD 387132 എന്ന നമ്പറിനാണ്. 20 കോടി രൂപയാണ് സമ്മാനത്തുക. രണ്ടാംസമ്മാനം 20 പേർക്കാണ്. ഓരോരുത്തർക്കും ഒരുകോടി രൂപവീതം ലഭിക്കും.

ഉച്ചയ്‌ക്ക് രണ്ട് മണിക്ക് തിരുവനന്തപുരം ഗോർഖി ഭവനിൽ ധനമന്ത്രി കെ ബാലഗോപാലാണ് നറുക്കെടുത്തത്. എം.എൽ.എമാരായ ആന്റണി രാജു, വി.കെ.പ്രശാന്ത് എന്നിവരും ചടങ്ങിൽ പങ്കെടുത്തു.

45 ലക്ഷത്തിലധികം ടിക്കറ്റുകളാണ് വിറ്റഴിച്ചത്. ഇത് സർവകാല റെക്കോർ‌ഡാണ്. 50 ലക്ഷം ടിക്കറ്റുകളാണ് പ്രിന്റ് ചെയ്‌തത്. 8.87 ലക്ഷം ടിക്കറ്റുകളുമായി പാലക്കാടാണ് വില്‍പനയില്‍ മുന്നില്‍. തിരുവനന്തപുരം ജില്ലയാണ് വിൽപ്പനയിൽ രണ്ടാം സ്ഥാനത്ത്.