ഇംഗ്ലണ്ടിനെതിരായ പരമ്പരയിലെ പ്ലെയർ ഓഫ് ദി സീരീസ് പുരസ്കാരം അവൻ കൊണ്ടുപോകും; സഞ്ജുവിനെ പുകഴ്ത്തി പാർഥീവ്

ഇന്ത്യ-ഇംഗ്ലണ്ട് ട്വന്‍റി-20 പരമ്പരയിൽ മലയാളി താരം സഞ്ജു സാംസൺ പ്ലെയർ ഓഫ് ദി സീരീസാകുമെന്ന് മുൻ ഇന്ത്യൻ താരം പാർഥീവ് പട്ടേൽ.

‘സഞ്ജു സാംസൺ ഇപ്പോൾ സെഞ്ച്വറികൾ കൊണ്ടാണ് ഡീൽ ചെയ്യുന്നത്. ഇംഗ്ലണ്ടിനെതിരായ പരമ്പരയിലെ പ്ലെയർ ഓഫ് ദി സീരീസ് പുരസ്കാരം അവൻ കൊണ്ടുപോകുമെന്നാണ് എനിക്ക് തോന്നുന്നത്.’ പാർത്ഥിവ് പട്ടേൽ സ്റ്റാർ സ്പോർട്സിൽ പറഞ്ഞു. പരമ്പരയിൽ ഇനിയും നാല് മത്സരങ്ങൾ ബാക്കിയുള്ളത്.

കഴിഞ്ഞ വർഷം ദക്ഷിണാഫ്രിക്കക്കെതിരെ നടന്ന പരമ്പരയിൽ നാല് മത്സരത്തിൽ നിന്നും രണ്ട് സെഞ്ച്വറികളാണ് സഞ്ജു നേടിയത്. അതിന് മുമ്പ് ബംഗ്ലാദേശിനെതിരെയുള്ള പരമ്പരയിലും താരം സെഞ്ച്വറി തികച്ചിരുന്നു. സഞ്ജുവിനെ സംബന്ധിച്ചിടത്തോളം വളരെ പ്രധാപ്പെട്ട നാല് മത്സരങ്ങളാണ് ഇംഗ്ലണ്ടിനെതിരെയുള്ളത്.