അനക്കമില്ല : പണിമുടക്കി ചാറ്റ് ജിപിടി !

എന്തിനും ഏതിനും ചാറ്റ് ജിപിടി ആശ്രയിക്കുന്നവർക്ക് എട്ടിന്റെ പണികൊടുത്ത് ഓപ്പണ്‍ എ.ഐയുടെ ചാറ്റ് ജിപിടി. ഇപ്പോഴിതാ ലോകത്താകമാനം പണിമുടക്കിയിരിക്കുകയാണ് നിര്‍മിത ബുദ്ധി അധിഷ്ഠിതമായി പ്രവര്‍ത്തിക്കുന്ന ചാറ്റ് ബോട്ടായ ചാറ്റ് ജിപിടി. പല ഉപഭോക്താക്കള്‍ക്കും സേവനം പൂര്‍ണമായും നഷ്ടമായി. ഉപഭോക്താക്കളായ ലക്ഷണക്കക്കിന് പേരാണ് ഇതോടെ പെരുവഴിയിലായത്.

ബാഡ്ഗേറ്റ് വേ എന്ന മറുപടിയാണ് ചാറ്റ് ജിപിടിയുടെ യു.ആര്‍.എല്ലില്‍ കയറുമ്പോള്‍ ലഭിക്കുന്നത്. ഇതോടെ ആപ്പിന്റെ ചാറ്റ് സേവനങ്ങളടക്കം മുടങ്ങി. ബോട്ടുമായി ചാറ്റുചെയ്യാനോ ഹിസ്റ്ററി ആക്സസ് ചെയ്യാനോ സാധിക്കുന്നില്ല. വിഷയത്തില്‍ ഇതുവരെ ചാറ്റ് ജിപിടിയോ മാതൃകമ്പനിയായ ഓപ്പണ്‍ എ.ഐയോ ഔദ്യോഗിക പ്രതികരണം നടത്തിയിട്ടില്ല.