‘പര്‍ദ്ദ’; അനുപമയും ദര്‍ശനയും സംഗീതയും പ്രധാന വേഷങ്ങളിലെത്തുന്ന ചിത്രത്തിന്റെ ടീസര്‍ എത്തി

പ്രേക്ഷക പ്രിയ താരങ്ങളായ അനുപമ പരമേശ്വരനും ദര്‍ശന രാജേന്ദ്രനും സംഗീതയും പ്രധാന വേഷങ്ങളില്‍ എത്തുന്ന ചിത്രമാണ് ‘പര്‍ദ്ദ’.ചിത്രത്തിന്റെ ടീസര്‍ റിലീസ് ചെയ്തു. ‘പര്‍ദ്ദ: ഇന്‍ ദ നെയിം ഓഫ് ലവ്’ എന്നാണ് ചിത്രത്തിന്റെ പൂര്‍ണമായ പേര്. ചിത്രം ഉടന്‍ തിയറ്ററുകളില്‍ എത്തും. പ്രവീണ്‍ കന്ദ്രേഗുല സംവിധാനം ചെയ്യുന്ന ചിത്രം, ആനന്ദ മീഡിയുടെ ആദ്യ തെലുങ്ക് നിര്‍മാണ സംരംഭം കൂടിയാണ്. ദര്‍ശനയുടെ ആദ്യ തെലുങ്ക് ചിത്രം കൂടിയാണിത്.

ഡല്‍ഹി, ഹിമാചല്‍ പ്രദേശ്, ഗ്രാമീണ പ്രദേശങ്ങള്‍ എന്നിവ പ്രധാന ലൊക്കേഷനുകളായ ‘പര്‍ദ്ദ’യുടെ ഷൂട്ടിംഗ് മെയില്‍ ഹൈദരാബാദില്‍ പൂര്‍ത്തിയായിരുന്നു.രോഹിത് കോപ്പുവാണ് ‘പര്‍ദ്ദ’യുടെ എക്സിക്യൂട്ടീവ് പ്രൊഡ്യൂസര്‍. വനമാലിയുടെ വരികള്‍ക്ക് ഗോപി സുന്ദര്‍ സംഗീതം പകരുന്നു. പൂജിത ശ്രീകാന്തിയും പ്രഹാസ് ബൊപ്പുടിയുംമാണ് തിരക്കഥ. കൃഷ്ണ പ്രത്യുഷ സ്‌ക്രിപ്റ്റ് ഡോക്ടറായി പ്രവര്‍ത്തിച്ചു. മൃദുല്‍ സുജിത് ഛായാഗ്രഹണവും ധര്‍മേന്ദ്ര കകരള എഡിറ്റിഗും നിര്‍വ്വഹിച്ചു. വരുണ്‍ വേണുഗോപാല്‍ സൗണ്ട് ഡിസൈന്‍ കൈകാര്യം ചെയ്യുന്നു. ശ്രീനിവാസ് കലിംഗ കലാസംവിധായകനായ ‘പര്‍ദ്ദ’യുടെ വസ്ത്രാലങ്കാരം നിര്‍വ്വഹിച്ചത് പൂജിത തടികൊണ്ട. ഫസ്റ്റ് അസിസ്റ്റന്റ് ഡയറക്ടര്‍ – അഭിനയ് ചിലുകമാരി. സ്റ്റില്‍ ഫോട്ടോഗ്രാഫി – നര്‍സിംഗറാവു കോമനബെല്ലി. ചിത്രത്തിന്റെ മാര്‍ക്കറ്റിംഗ് & കമ്മ്യൂണിക്കേഷന്‍സ് നിര്‍വഹിക്കുന്നത് സംഗീത ജനചന്ദ്രനാണ് (സ്റ്റോറീസ് സോഷ്യല്‍). ഡിസൈന്‍ നിര്‍വ്വഹിക്കുന്നത് അനില്‍ & ഭാനു എന്നിവരാണ് മറ്റ് അണിയറ പ്രവര്‍ത്തകര്‍.