വിശ്വാസം മറയാക്കി; ആദിവാസി സ്ത്രീയെ ബലാത്സംഗം ചെയ്ത യുവാവ് പിടിയിൽ

മാനന്തവാടി: ആദിവാസി സ്ത്രീയെ ബലാത്സംഗം ചെയ്ത പരാതിയിൽ യുവാവിനെ പോലീസ് അറസ്റ്റ് ചെയ്തു. പുളിമൂട് സ്വദേശി വര്‍ഗീസ് ആണ് പിടിയിലായത്. തിരുനെല്ലി സ്വദേശിയായ 40 കാരിയുടെ പരാതിയിലാണ് തിരുനെല്ലി പൊലീസ് കേസെടുത്തത്.

പ്രതി മാനസികാസ്വാസ്ഥ്യം നേരിടുന്ന യുവതിയെ ഒരു വർഷത്തോളം പീഡിപ്പിച്ചു എന്നാണ് പരാതി. സ്വാമിയുടേതെന്നു പറഞ്ഞ് ജപിച്ച ചരട് കയ്യിൽ കെട്ടികൊണ്ട് പ്രതി ഭീഷണിപ്പെടുത്തിയെന്നും യുവതിയുടെ പരാതിയിൽ പറയുന്നുണ്ട്. വീട്ടുകാരുടെ മുന്നിൽ വെച്ചും യുവതിയെ ക്രൂരമായി മർദിച്ചു എന്നും യുവതി പറഞ്ഞു. അതേസമയം നേരത്തെ യുവതി പൊലീസിൽ വിവരമറിയിച്ചിട്ടും നടപടിയെടുത്തില്ലെന്നും പൊലീസ് ഒത്തുതീർപ്പിനായി ആവശ്യപ്പെട്ടെന്നും യുവതി ആരോപിച്ചു.