അടുത്താഴ്ച എത്തും സാംസങ്‌ ഗ്യാലക്സി എസ്25 സിരീസ് ; വില അറിയേണ്ടേ?

ടെക്ക് പ്രേമികളുടെ ആകാംക്ഷയ്ക്ക് വിരാമം കുറിച്ച് സാംസങിന്‍റെ ഗ്യാലക്സി എസ്25 സിരീസ് അടുത്താഴ്ച്ചയോടെ പുറത്തിറങ്ങും. ജനുവരി 22ന് നടക്കുന്ന അണ്‍പാക്ഡ് ഇവന്‍റിലാണ് ഗ്യാലക്സി എസ്25, ഗ്യാലക്സി എസ്25+, ഗ്യാലക്സി എസ്25 അള്‍ട്ര എന്നീ മോ‍ഡലുകള്‍ ഗ്യാലക്സി പുറത്തിറങ്ങാൻ പോകുന്നത്. എന്നാൽ സാംസങ് ഗ്യാലക്സി എസ്25 ന്റെ വില കുറച്ച് കൂടുമെന്നാണ് റിപ്പോർട്ടുകൾ സൂചിപ്പിക്കുന്നത്.

2024 ജനുവരി 17ന് പുറത്തിറങ്ങിയ സാംസങ് ഗ്യാലക്സി എസ്24 സിരീസിന്‍റെ വില ഇന്ത്യയില്‍ ആരംഭിച്ചിരുന്നത് 79999 രൂപയിലായിരുന്നു. എസ്24+ന്‍റെ ആരംഭ വില 99999 രൂപയും എസ്24 അള്‍ട്രയുടെ തുടക്ക വില 129999 രൂപയുമായിരുന്നു. സാംസങിന്‍റെ സ്വന്തം ഗ്യാലക്സി എഐ ഫീച്ചറുകളോടെയായിരുന്നു ഫോണുകള്‍ എത്തിയിരുന്നത്. ഗ്യാലക്സി എസ്25 സിരീസും വരിക ഗ്യാലക്സിയുടെ ആര്‍ട്ടിഫിഷ്യല്‍ ഇന്‍റലിജന്‍സ് സൗകര്യങ്ങളോടെയായിരിക്കും.

ഗ്യാലക്സി എസ്25ന്‍റെ വില 84999 രൂപ- 12+256 ജിബി, 94999 രൂപ- 12+512 ജിബി എന്നിങ്ങനെയും എസ് 25പ്ലസിന്‍റെ വില 104999 രൂപ- 12+256 ജിബി, 114999 രൂപ- 12+512 ജിബി എന്നിങ്ങനെയും എസ്25 അള്‍ട്രയുടെ വില 134999 രൂപ- 12+256 ജിബി, 144999 രൂപ- 16+512 ജിബി, 164999 രൂപ- 16+1 ടിബി എന്നിങ്ങനെ ആയിരിക്കുമെന്നാണ് റിപ്പോർട്ടുകൾ വ്യക്തമാക്കുന്നത്.