അപ്പാർട്ട്മെന്റിൽ അതിക്രമിച്ചുകയറി അക്രമം ; പ്രതി അറസ്റ്റിൽ

കളമശ്ശേരി : കൈപ്പടമുകളിൽ അപ്പാർട്ട്മെന്റിൽ കയറി ആക്രമിച്ച കേസിൽ ഒരാൾ അറസ്റ്റിൽ.
വാതിൽ പൊളിച്ച് മാരകായുധങ്ങളുമായി അതിക്രമിച്ചുകയറി യുവാക്കളെ തലയ്ക്കടിച്ച് ഗുരുതര പരിക്കേല്പിച്ച് കൊലപ്പെടുത്താൻ ശ്രമിച്ച കേസിലെ പ്രതികളിൽ ഒരാളെയാണ് പോലീസ് പിടികൂടിയത്.

12-ന് രാത്രിയായിരുന്നു അതിക്രമം. പ്രതികളിലൊരാളുടെ പെൺസുഹൃത്തുമായി ബന്ധപ്പെട്ട പ്രശ്നമാണ് അക്രമത്തിന് കാരണം. കേസിലെ ഒന്നാം പ്രതിയായ കാസർകോട് ഹരിപുരം കൊടവനം വീട്ടിൽ ദേവനന്ദനെ (20) യാണ് തൃശൂർ റെയിൽവേ സ്റ്റേഷനിൽ വച്ച് അറസ്റ്റ് ചെയ്തത്. കളമശ്ശേരി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.