കഞ്ചാവ് വളർത്തൽ കേസ്: പ്രതിക്ക് ശിക്ഷ വിധിച്ച് കോടതി

വയനാട്: കഞ്ചാവ് വളര്‍ത്തിയ കേസിൽ പ്രതിക്ക് ശിക്ഷ വിധിച്ച് കോടതി. മൂപ്പനാട് താഴെ അരപ്പറ്റ മസ്ജിദ് കോളനിയില്‍ മുട്ടിയാന്‍ വീട്ടില്‍ സൈദലവി67)യെയാണ് 12 വര്‍ഷം തടവിനും 1,20,000 രൂപ പിഴയ്ക്കും ശിക്ഷ വിധിച്ചത്. ജില്ലാ അഡീഷണല്‍ സെഷന്‍സ് കോടതി ജഡ്ജി വി. അനസ് ആണ് ശിക്ഷിച്ചത്.

2020 ജൂണിലാണ് കേസിന് ആസ്പദമായ സംഭവം. അന്നത്തെ മേപ്പാടി എസ്.ഐ. പി.സി. സജീവിന്റെ നേതൃത്വത്തിലുള്ള സംഘമാണ് കഞ്ചാവുചെടി കണ്ടെത്തിയത്. തുടര്‍ന്ന് ഇന്‍സ്‌പെക്ടര്‍ എസ്.എച്ച്.ഒ. ജി. രാജ്കുമാര്‍ അന്വേഷണംനടത്തി കുറ്റപത്രം സമര്‍പ്പിക്കുകയായിരുന്നു. പ്രോസിക്യൂഷനുവേണ്ടി പബ്ലിക് പ്രോസിക്യൂട്ടര്‍മാരായ ഇ.വി. ലിജീഷ്, എം.ജി. ശ്രദ്ധാധരന്‍ എന്നിവര്‍ ഹാജരായി.