സംസ്ഥാനത്ത് തിങ്കളാഴ്ച ഉച്ചവരെ പെട്രോൾ പമ്പുകൾ അടച്ചിടും

കൊച്ചി: തിങ്കളാഴ്ച രാവിലെ ആറ്​ മുതൽ ഉച്ചക്ക്​ 12 വരെ സംസ്ഥാന വ്യാപകമായി പമ്പുകൾ അടച്ചിടുമെന്ന്​ ഓൾ കേരള ഫെഡറേഷൻ ഓഫ്​ പെട്രോളിയം ട്രേഡേഴ്​സ്​ (എ.കെ.എഫ്​.പി.ടി) സംസ്ഥാന പ്രസിഡന്‍റ്​ ടോമി തോമസ്​ അറിയിച്ചു. കോഴിക്കോട്​ എച്ച്​.പി.സി.എൽ ഓഫിസിൽ ചർച്ചക്കെത്തിയ പെട്രോളിയം ഡീലേഴ്​സ്​ അസോസിയേഷൻ നേതാക്കളെ ടാങ്കർ ലോറി ഡ്രൈവേഴ്​സ്​ യൂണിയനിൽപ്പെട്ട ചിലർ മർദിച്ചതിൽ പ്രതിഷേധിച്ചാണ് സംസ്ഥാനത്തെ പെട്രോൾ പമ്പുകൾ അടച്ചിടുന്നത്​.